ಬೆಂಗಳೂರಿನಲ್ಲಿ ಕೋವಿಡ್​ ಸೋಂಕನ್ನೇ ಮಣಿಸಿದ 100 ವರ್ಷದ ಅಜ್ಜಿ!

ಬೆಂಗಳೂರು: ಕರೊನಾ ಸೋಂಕಿಗೆ ತಲ್ಲಣಗೊಂಡಿರುವ ರಾಜ್ಯ ರಾಜಧಾನಿಯ ಜನರಿಗೊಂದು ಸಮಾಧಾನಕರ ಸುದ್ದಿ ಇಲ್ಲಿದೆ.

ಮಕ್ಕಳು, ಯುವಜನತೆ, ವೃದ್ಧರು ಎನ್ನದೆ ಎಲ್ಲರಲ್ಲೂ ಕಾಣಿಸಿಕೊಳ್ಳುತ್ತಿರುವ ಸೋಂಕಿಗೆ ಹಲವು ಸಾವು-ನೋವು ಸಂಭವಿಸಿದೆ. ವೃದ್ಧರಿಗೆ ಕೋವಿಡ್​ ಬಂದರೆ ತುಂಬಾ ಕಷ್ಟ ಎಂಬ ಸ್ಥಿತಿಯ ಕಾರ್ಮೋಡ ಎಲ್ಲೆಡೆ ಕವಿದಿದೆ. ಈ ನಡುವೆ 100 ವರ್ಷದ ಅಜ್ಜಿಯೊಬ್ಬರು ಕರೊನಾ ಸೋಂಕಿನಿಂದ ಗುಣಮುಖರಾಗಿ ವಾಪಸ್​ ಮನೆಗೆ ಮರಳಿದ್ದಾರೆ. ಇದನ್ನೂ ಓದಿರಿ ಕ್ವಾರಂಟೈನ್​ನಲ್ಲಿರೋ ಸಚಿವರಿಗೆ ಕೋವಿಡ್​ ಆಸ್ಪತ್ರೆಯಿಂದ ತಡರಾತ್ರಿ ಬಂತೊಂದು ಉಡುಗೊರೆ!

ಕುಮಾರಸ್ವಾಮಿ ಲೇಔಟ್​ನ 100 ವರ್ಷದ ವೃದ್ಧೆಗೆ ಜೂ. 15ರಂದು ಕರೊನಾ ಪಾಸಿಟಿವ್ ಬಂದಿತ್ತು. ಅವರಿಗೆ ವಿಕ್ಟೋರಿಯಾ ಆಸ್ಪತ್ರೆಯಲ್ಲಿ ಚಿಕಿತ್ಸೆ ನೀಡಲಾಗುತ್ತಿತ್ತು. ಇದೀಗ 9 ದಿನದಲ್ಲಿ ಗುಣಮುಖರಾದ ವೃದ್ಧೆಯನ್ನು ಆಸ್ಪತ್ರೆಯಿಂದ ಡಿಸ್ಚಾರ್ಜ್ ಮಾಡಲಾಗಿದ್ದು, ಮರಳಿ ಗೂಡಿಗೆ ಸೇರಿದ್ದಾರೆ.

ಕರೊನಾ ಭೀತಿ ಬಿಟ್ಟು, ಆತ್ಮವಿಶ್ವಾಸದಿಂದ ಚಿಕಿತ್ಸೆ ಪಡೆದರೆ ರೋಗ ಶೀಘ್ರವೇ ಗುಣಮುಖವಾಗಲಿದೆ ಎಂಬುದಕ್ಕೆ ಈ ಅಜ್ಜಿಯೇ ಸಾಕ್ಷಿ.

https://www.vijayavani.net/senior-police-officer-said-people-are-awake-order-not-to-corona-test/?preview=true&_thumbnail_id=859847