ತಾಲೂಕಿನ ಹಾಲಭಾವಿ ಗ್ರಾಮದಲ್ಲಿ ಜ್ವರ ಬಾಧೆಯಿಂದ ಬಳಲುತ್ತಿರುವವರಿಗೆ ಸೂಕ್ತ ಚಿಕಿತ್ಸೆ ನೀಡಲಾಗುತ್ತಿದೆ. ಗ್ರಾಮಕ್ಕೆ ಭೇಟಿ ನೀಡಿ ಮಾಹಿತಿ ಪಡೆಯಲಾಗಿದೆ. 250 ಜನರ ರಕ್ತ ಪರೀಕ್ಷೆ ಮಾಡಿದ್ದು, ಯಾವುದೇ ಡೆಂೆ ಪ್ರಕರಣ ಕಂಡುಬಂದಿಲ್ಲ. 17 ಜನರ ರಕ್ತ ಮಾದರಿ ಪಡೆದು ರಾಯಚೂರಿನ ಪ್ರಯೋಗಾಲಯದಲ್ಲಿ ಕ್ರಾಸ್ ಟೆಸ್ಟ್ ಮಾಡಿದ್ದು, ಅಲ್ಲಿಯೂ ಗಂಭೀರ ಕಾಯಿಲೆ ಕಂಡುಬಂದಿಲ್ಲ. ಹಾಲಭಾವಿ ಗ್ರಾಮದಲ್ಲಿ ತಾತ್ಕಾಲಿಕ ಚಿಕಿತ್ಸಾ ಕೇಂದ್ರ ತೆರೆದಿದ್ದು, ಜನರು ಭಯಪಡುವ ಅಗತ್ಯವಿಲ್ಲ. ಕಳೆದೊಂದು ವಾರದಿಂದ ಜಿಲ್ಲಾದ್ಯಂತ ನೆಗಡಿ, ಕೆಮ್ಮಿನಿಂದ ಬಳಲುವವರ ಪ್ರಕರಣ ಹೆಚ್ಚಿದ್ದು, ಒಂದೇ ಮನೆಯಲ್ಲಿದ್ದವರಿಗೆ ಒಬ್ಬರಿಂದ ಒಬ್ಬರಿಗೆ ಹರಡುತ್ತಿದೆ. ಗ್ರಾಮೀಣ ಭಾಗದಲ್ಲಿ ಸ್ವಚ್ಛತೆ ಕಾಪಾಡಲು ತಿಳಿಸಲಾಗಿದೆ ಎಂದು ಡಿಎಚ್ಒ ಸುರೇಂದ್ರ ಬಾಬು ತಿಳಿಸಿದರು. ಮುಖ್ಯ ವೈದ್ಯಾಧಿಕಾರಿ ಡಾ.ರುದ್ರಗೌಡ ಪಾಟೀಲ್, ವೈದ್ಯರಾದ ಗಣೇಶ, ಚಂದ್ರಶೇಖರ ಇದ್ದರು.
