ಮುಂಡಗೋಡ: ನಮ್ಮ ಕಬ್ಜಾದಲ್ಲಿರುವಷ್ಟು ಜಾಗದ ಹಕ್ಕುಪತ್ರ ನೀಡಬೇಕು ಎಂದು ತಾಲೂಕಿನ ಅಗಡಿ ಗ್ರಾಮದ ಲಂಬಾಣಿ ಸಮುದಾಯದ ಮಹಿಳೆಯರು ತಹಸೀಲ್ದಾರ್ ಶಂಕರ ಗೌಡಿ ಅವರನ್ನು ತರಾಟೆಗೆ ತೆಗೆದುಕೊಂಡು ಜೀಪ್ಗೆ ಮುತ್ತಿಗೆ ಹಾಕಿದ ಘಟನೆ ಗುರುವಾರ ಸಂಜೆ ನಡೆದಿದೆ.
ತಾಲೂಕಿನ ಹುನಗುಂದ ಗ್ರಾಮದ ಅಗಡಿ ಗ್ರಾಮದಲ್ಲಿ ಲಂಬಾಣಿ ಸಮುದಾಯದ 60ಕ್ಕೂ ಹೆಚ್ಚು ಜನರು ಸರ್ಕಾರಿ ಪಡ ಜಾಗೆಯಲ್ಲಿ ಕಳೆದ ನಾಲ್ಕೈದು ದಶಕಗಳಿಂದ ಮನೆ ನಿರ್ವಿುಸಿಕೊಂಡು ವಾಸವಾಗಿದ್ದಾರೆ. ಗ್ರಾಮ ಪಂಚಾಯಿತಿಯಲ್ಲಿ ಮನೆಯ ದಾಖಲಾತಿಗಳಿದ್ದು, ಪ್ರತಿ ವರ್ಷ ಮನೆಯ ಕರ, ನೀರಿನ ಕರವನ್ನು ತುಂಬುತ್ತಾ ಬಂದಿದ್ದಾರೆ. ಹಳ್ಳಿಯಾಗಿದ್ದರಿಂದ ಮನೆಯ ಮುಂಭಾಗದಲ್ಲಿ ಆವರಣ ಹಾಗೂ ಹಿಂಭಾಗದಲ್ಲಿ ಹಿತ್ತಲು ಜಾಗೆಯಿದೆ. ದನಕರಗಳ ಕಟ್ಟಲು ಕೊಟ್ಟಿಗೆ ನಿರ್ವಿುಸಲಾಗಿದೆ ಹಾಗೂ ಅವುಗಳಿಗೆ ಹುಲ್ಲಿನ ಬಣವೆ, ಹಾಗೂ ಸೆಗಣಿ ಹಾಕಲು ತಿಪ್ಪೆಗಳನ್ನು ಮನೆಯ ಹಿಂದಿನ ಜಾಗದಲ್ಲಿ ಮಾಡಿಕೊಂಡು ಜಾಗವನ್ನು ಕಬ್ಜಾದಲ್ಲಿ ಇಟ್ಟುಕೊಳ್ಳಲಾಗಿದೆ.
