ಶಿಕ್ಷಕ ದಂಪತಿ ಗಿರೀಶ ದೊಡ್ಡಮನಿ ಹಾಗೂ ನೀಲಮ್ಮ ಮೂರಮಟ್ಟಿ ಸೇರಿ 15 ಜನ ರಕ್ತದಾನ ಮಾಡಿದರು. ರಾಣಿಬೆನ್ನೂರ ತಾಲೂಕಿನ ಹನುಮಾಪುರ ಸರ್ಕಾರಿ ಪ್ರೌಢಶಾಲೆಯ ಮುಖ್ಯೋಪಾಧ್ಯಾಯ ಸಿ.ಎಸ್. ಭಗವಂತಗೌಡರ ಅವರಿಗೆ 5 ಸಾವಿರ ರೂ. ಗುರುಚೇತನ ಪುರಸ್ಕಾರ ನೀಡಲಾಯಿತು. ಕಲಕೇರಿಯ ಕಲಾವಿದ ಫಕೀರಪ್ಪ ಗೌರಕ್ಕನವರ ಅವರಿಗೆ ಕಲಾನಿಧಿ ಪ್ರಶಸ್ತಿ, ಕೂಡಲದ ಸರ್ಕಾರಿ ಪ್ರೌಢಶಾಲೆಯ ಮುಖ್ಯೋಪಾಧ್ಯಾಯ ಶಿವಪ್ಪ ತಳವಾರ ಅವರಿಗೆ ಜಿಲ್ಲಾ ಉತ್ತಮ ಶಿಕ್ಷಕ, ಕಳೆದ ವರ್ಷ ಸಂಸ್ಥೆಯಲ್ಲಿ ತರಬೇತಿ ಪಡೆದು ಎಸ್ಎಸ್ಎಲ್ಸಿ ಇಂಗ್ಲಿಷ್ ಮಾಧ್ಯಮದಲ್ಲಿ ಹಾನಗಲ್ಲ ತಾಲೂಕಿಗೆ ದ್ವಿತೀಯ ಸ್ಥಾನ ಪಡೆದ ಪುನೀತ್ ಲಮಾಣಿ ಹಾಗೂ ಕುಮಾರಿ ಗುಣವತಿಗೆ ಬಹುಮಾನ ನೀಡಿ ಸನ್ಮಾನಿಸಲಾಯಿತು. ಶಿಬಿರಕ್ಕೆ ಆಗಮಿಸಿದ ಎಲ್ಲ ವಿದ್ಯಾರ್ಥಿಗಳಿಗೆ ಸಸಿ ನೀಡಲಾಯಿತು. ಕಂಚಿನೆಗಳೂರ ಸರ್ಕಾರಿ ಶಾಲೆಗೆ 10 ಸಾವಿರ ರೂ. ಕೊಡುಗೆ ನೀಡಲಾಯಿತು. ಕುಮಾರ ದೇಶಮುಖ, ಶಂಕ್ರಪ್ಪ ದೊಡ್ಡಮನಿ, ಚನ್ನಪ್ಪ ಮೂಗದೂರ, ಶ್ರೀನಿವಾಸ್ ಆರ್.ಟಿ, ಸದಾಶಿವ ಕಂಬಾಳಿ ಉಪಸ್ಥಿತರಿದ್ದರು.
