ಆಯ್ಕೆ ಹಿಂದಿನ ಲೆಕ್ಕಾಚಾರ?: ಟಿ.ಬಿ.ಜಯಚಂದ್ರ ಶಿರಾ ಕ್ಷೇತ್ರದ ಹಳೆ ಹುಲಿ. ಸಿದ್ದರಾಮಯ್ಯ ಸರ್ಕಾರದಲ್ಲಿ ಕಾನೂನು ಮತ್ತು ಸಂಸದೀಯ ಸಚಿವರಾಗಿದ್ದ ಅವರು ಅನೇಕಾನೇಕ ಯೋಜನೆಗಳನ್ನು ಕ್ಷೇತ್ರಕ್ಕೆ ತೆಗೆದುಕೊಂಡು ಹೋಗಿದ್ದರು. ಆದರೆ, ಆಡಳಿತ ವಿರೋಧಿ ಅಲೆಯ ಕಾರಣದಿಂದ ಸಣ್ಣ ಅಂತರದಿಂದ ಸೋಲಬೇಕಾಯಿತು. ಆದರೆ, ಈ ಬಾರಿ ಕಳೆದ ಬಾರಿಯ ಸೋಲಿನ ಅನುಕಂಪವನ್ನು ಟಿಬಿಜೆ ಗಿಟ್ಟಿಸಿಕೊಳ್ಳಬಹುದೆಂಬ ಅಭಿಪ್ರಾಯ ಪಕ್ಷದಲ್ಲಿದೆ. ಜತೆಗೆ 2018ರ ಚುನಾವಣೆಯಲ್ಲಿ ಸೋತರೂ ಜಯಚಂದ್ರ ಕ್ಷೇತ್ರದ ನಿರಂತರ ಸಂಪರ್ಕದಲ್ಲಿದ್ದರು. ಜತೆಗೆ ಅಲ್ಲಿ ಬಿಜೆಪಿ ಪ್ರಬಲವಾಗಿಲ್ಲದ ಕಾರಣ ಮತಗಳನ್ನು ತಾವು ಗಟ್ಟಿಮಾಡಿಕೊಂಡರೆ ಗೆಲುವು ಸಲೀಸು ಎಂದುಕೊಂಡಿದ್ದಾರೆ.
