ಕಟ್ಟಡದಲ್ಲಿ ಅನಧಿಕೃತ 1 ಚದರವಿದ್ದರೆ, ಅಧಿಕೃತವಾಗಿರುವ 10 ಚದರದಡಿಗೂ ಎರಡು ಪಟ್ಟು ಕಂದಾಯವನ್ನು ಕಾನೂನುಬಾಹಿರವಾಗಿ ವಸೂಲಿ ಮಾಡಲಾಗುತ್ತಿದೆ. ಈ ಹಿಂದೆ ಅನಧಿಕೃತ ಕಟ್ಟಡ ನಿರ್ಮಾಣ ಮಾಡಿರುವದಕ್ಕೆ ಮಾತ್ರ ಕಂದಾಯ ನಿಗದಿ ಮಾಡಲಾಗುತ್ತಿತ್ತು. ಇನ್ನು ನೀರಿನ ಕಂದಾಯವೂ ಸಹ ಅವೈಜ್ಞಾನಿಕವಾಗಿದ್ದು, ಇದರಿಂದಾಗಿ ಸಾರ್ವಜನಿಕರಿಗೆ ಆರ್ಥಿಕವಾಗಿ ಹೊರೆಯಾಗುತ್ತಿದೆ. ನೀರಿನ ಕಂದಾಯಕ್ಕೆ ಸಂಬಂಧಿಸಿದಂತೆ ಎಂಎಲ್ಸಿಗಳಾದ ಮಧು ಜಿ.ಮಾದೇಗೌಡ ಮತ್ತು ದಿನೇಶ್ ಗೂಳಿಗೌಡ ಕಡಿಮೆ ಮಾಡಿಸಿದ್ದರೂ ಪರಿಷ್ಕೃತ ದರ ಜಾರಿಗೆ ಬಂದಿಲ್ಲ. ಇನ್ನು 2000ಕ್ಕೂ ಹೆಚ್ಚು ನಿವೇಶನಗಳಿಗೆ ಸುಮಾರು 40 ವರ್ಷದ ಹಿಂದೆಯೇ ಕಿಮ್ಮತ್ತು ಪಾವತಿಸಿಕೊಂಡು ಎಂಡಾರ್ಸ್ಮೆಂಟ್ ಹಾಗೂ ಎಲ್ಲ ರೀತಿಯ ಸೌಲಭ್ಯಗಳನ್ನು ನೀಡಿದ್ದರೂ ಇದುವರೆಗೂ ನಗರಸಭೆಯಿಂದ ಹಕ್ಕುಪತ್ರ ನೀಡದ ಜತೆಗೆ ಖಾತೆ ಮಾಡಿಲ್ಲವೆಂದು ಆಕ್ಷೇಪಿಸಿದರು.
