ಟಾಟಾ ಟೆಕ್ನಾಲಜೀಸ್, ಆರ್‌ವಿ ಕಾಲೇಜು ನಡುವೆ ಒಪ್ಪಂದ; 60 ಕೋಟಿ ವೆಚ್ಚದಲ್ಲಿ ಕೌಶಲ ತರಬೇತಿ ಕೇಂದ್ರ

ಬೆಂಗಳೂರು: ಇಂಜಿನಿಯರಿಂಗ್ ಶಿಕ್ಷಣ ಮತ್ತು ಉದ್ಯೋಗ ಕೌಶಲದ ಭವಿಷ್ಯವನ್ನು ಪುನರ್ಘಟಿಸುವ ಹಿನ್ನೆಲೆಯಲ್ಲಿ ಟಾಟಾ ಟೆಕ್ನಾಲಜೀಸ್ ಮತ್ತು ಆರ್‌ವಿ ಇಂಜಿನಿಯರಿಂಗ್ ಕಾಲೇಜು ನಡುವೆ ಆವಿಷ್ಕಾರ, ನಾವೀನ್ಯತೆ, ಇನ್‌ಕ್ಯೂಬೇಶನ್ ಮತ್ತು ತರಬೇತಿ ಕೇಂದ್ರ (ಸಿಐಐಐಟಿ) ಸ್ಥಾಪನೆಗಾಗಿ ಒಪ್ಪಂದವೇರ್ಪಟ್ಟಿದೆ.

ಈ ಸಂಬಂಧ ಬುಧವಾರ ಎರಡು ಸಂಸ್ಥೆಗಳು ಉದ್ದೇಶ ಪತ್ರಕ್ಕೆ ಸಹಿ ಹಾಕಿದ್ದು, ದಕ್ಷಿಣ ಭಾರತದಲ್ಲಿ ಇದೇ ಮೊದ ಬಾರಿಗೆ ತಯಾರಿಕೆ ಮತ್ತು ಇಂಡಸ್ಟ್ರಿ 4.0 ತಂತ್ರಜ್ಞಾನಗಳಿಗೆ ವಿದ್ಯಾರ್ಥಿಗಳನ್ನು ಸಜ್ಜುಗೊಳಿಸುವ ವೇದಿಕೆ ನಿರ್ಮಾಣವಾಗಿದೆ.

ಈ ಯೋಜನೆಯ ಭಾಗವಾಗಿ ಟಾಟಾ ಟೆಕ್ನಾಲಜೀಸ್ ಸುಮಾರು 50 ಕೋಟಿ ರೂ. ಹಾಗೂ ಆರ್‌ವಿ ಕಾಲೇಜನ್ನು ನಿರ್ವಹಿಸುವ ರಾಷ್ಟ್ರೀಯ ಶಿಕ್ಷಣ ಸಮಿತಿ ಟ್ರಸ್ಟ್ 10 ಕೋಟಿ ರೂ. ಹೂಡಿಕೆ ಮಾಡಲು ಒಪ್ಪಿವೆ.

ಹೊಸ ಸಿಐಐಐಟಿ ಕೇಂದ್ರವು ಅತ್ಯಾಧುನಿಕ ಕೈಗಾರಿಕಾ ಸೌಕರ್ಯಗಳೊಂದಿಗೆ ಸಜ್ಜಿತವಾಗಿದ್ದು, ಇದರಲ್ಲಿ ಪ್ರಗತಿಶೀಲ ಉಪಕರಣಗಳು, ಸ್ಮಾರ್ಟ್ ತಯಾರಿಕಾ ಸಲಕರಣೆಗಳು, ಹಾಗೂ ವಿಶಿಷ್ಟ ಪ್ರಯೋಗಾಲಯಗಳಿವೆ. ವಿದ್ಯಾರ್ಥಿಗಳು, ಉಪನ್ಯಾಸಕರು, ಹಾಗೂ ಸ್ಥಳೀಯ ಕೈಗಾರಿಕೆಗಳಿಗೆ ಶಾಶ್ವತ ಲಾಭ ನೀಡುವಂತೆ ಇದು ನೈಸರ್ಗಿಕ ಕೌಶಲ ವಿಕಾಸ ಕೇಂದ್ರವಾಗಿ ಕಾರ್ಯ ನಿರ್ವಹಿಸಲಿದೆ.

ಒಪ್ಪಂದಕ್ಕೆ ಸಹಿ ಹಾಕುವ ಸಮಾರಂಭದಲ್ಲಿ ಆರ್‌ವಿ ಟ್ರಸ್ಟಿನ ಅಧ್ಯಕ್ಷ ಡಾ. ಎಂ.ಪಿ. ಶ್ಯಾಮ್, ಗೌರವ ಕಾರ್ಯದರ್ಶಿ ಡಾ. ಎ.ವಿ.ಎಸ್. ಮೂರ್ತಿ, ಸಂಯುಕ್ತ ಕಾರ್ಯದರ್ಶಿ ಡಿ.ಪಿ. ನಾಗರಾಜ್, ಪ್ರಾಂಶುಪಾಲ ಡಾ. ಕೆ.ಎನ್. ಸುಬ್ರಮಣ್ಯ, ಟಾಟಾ ಟೆಕ್ನಾಲಜೀಸ್‌ನ ಪರವಾಗಿ ಸುಶೀಲ್ ಕುಮಾರ್, ಪವನ್ ಭಾಗೇರಿಯಾ, ಪ್ರಸಾದ್ ಎಚ್, ಸುನಿಲ್ ಮಹಾದಿಕರ್ ಮತ್ತು ಪ್ರಶಾಂತ್ ಹಂಡಿಗುಂದ ಮತ್ತಿತರರು ಪಾಲ್ಗೊಂಡಿದ್ದರು.

https://www.vijayavani.net/anugraha-mythological-drama-performance-by-antaranga-akhalar-troupe-on-13th-april