ಉಡ ಮಾರಾಟ ಮಾಡುತ್ತಿದ್ದ ತಮಿಳುನಾಡಿನ ವ್ಯಕ್ತಿ ಬಂಧನ

ಆನೇಕಲ್​: ಅತ್ತಿಬೆಲೆ ಬಳಿ ಅಕ್ರಮವಾಗಿ ಉಡಗಳನ್ನು ಮಾರಾಟ ಮಾಡುತ್ತಿದ್ದ ವ್ಯಕ್ತಿಯನ್ನು ಅರಣ್ಯ ಇಲಾಖೆ ಅಧಿಕಾರಿಗಳು ಖಚಿತ ಮಾಹಿತಿ ಮೇರೆಗೆ ಬಂಧಿಸಿದ್ದಾರೆ.

ತಮಿಳುನಾಡು ಮೂಲದ ಸೋವಿಂದರಾಜನ್​ (41) ಬಂಧಿತ. ಆನೇಕಲ್​ ಸಾಮಾಜಿಕ ಅರಣ್ಯ ವಲಯ ಅರಣ್ಯಾಧಿಕಾರಿ ಶ್ರೀಧರ್​ ನೇತೃತ್ವದಲ್ಲಿ ದಾಳಿ ನಡೆದಿದ್ದು, ಬಂಧಿತನಿಂದ ಮೂರು ಜೀವಂತ ಉಡ ಮತ್ತು ಒಂದು ಬೈಕ್​ ವಶಕ್ಕೆ ಪಡೆಯಲಾಗಿದೆ. ಉಡಗಳನ್ನು ಮಾರಾಟ ಮಾಡುತ್ತಿದ್ದ ಮಾಹಿತಿಯು ಬನ್ನೇರುಟ್ಟ ವೈಲ್ಡ್​ ಲೈಫ್​ ಡಿಎಫ್​ಒ ರವೀಂದ್ರನ್​ ಅವರಿಗೆ ಬಂದಿದ್ದು, ಪ್ರಾರಂಭದಲ್ಲಿ ಗ್ರಾಹಕರಂತೆ ವ್ಯಾಪಾರ ಕುದುರಿಸಿ, ಒಂದು ಉಡಕ್ಕೆ ಐದು ಸಾವಿರ ರೂಪಾಯಿ ನಿಗದಿ ಮಾಡಿ ಉಡಗಳನ್ನು ನೋಡಿದ ನಂತರ ಬಂಧಿಸಲಾಗಿದೆ.