ಗಾಯಾಳು ಆರೋಗ್ಯ ವಿಚಾರಿಸಿದ ಶಾಸಕ ಕೃಷ್ಣಪ್ಪ : ತೀವ್ರ ಗಾಯಗೊಂಡು ಎಲೆಕ್ಟ್ರಾನಿಕ್ ಸಿಟಿಯ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿರುವ ಚೈತಾಲಿಕಾ (12) ಹಾಗೂ ತಾಯಿ ಶಿಲ್ಪಾ ಅವರ ಆರೋಗ್ಯವನ್ನು ಬೆಂಗಳೂರು ದಣ ಶಾಸಕ ಎಂ.ಕೃಷ್ಣಪ್ಪ ವಿಚಾರಿಸಿ, ಕುಟುಂಬಸ್ಥರಿಗೆ ಧೈರ್ಯ ತುಂಬಿದರು. ಅಲ್ಲದೆ ಶಾಸಕರು ಗಾಯಾಳುಗಳ ಆರೋಗ್ಯ ಸ್ಥಿತಿ ಬಗ್ಗೆ ವೈದ್ಯರಿಂದ ಮಾಹಿತಿ ಪಡೆದುಕೊಂಡರು. ತಲೆಗೆ ಪೆಟ್ಟಾಗಿದ್ದು, ಬಲಗೈ ಸಂಪೂರ್ಣ ನಜ್ಜುಗುಜ್ಜಾಗಿದೆ. ಶ್ರೀದಲ್ಲೆ ಆಪರೇಷನ್ ಮಾಡಲಾಗುವುದು. ಯಾವುದೇ ಭಯ ಪಡಬೇಕಾಗಿಲ್ಲ ಎಂದು ವೈದ್ಯರು ತಿಳಿಸಿದರು. ತಂದೆ ಆಟೋ ಚಾಲಕನಾಗಿದ್ದು, ಚಿಕಿತ್ಸಾ ವೆಚ್ಚ 2 ಲಕ್ಷ ರೂ. ವ್ಯಯಿಸಲಾಗಿದೆ. ಆಪರೇಷನ್ ಮಾಡಲು ಇನ್ನೂ 2 ಲ ರೂ. ವೆಚ್ಚ ತಗುಲಬಹುದು ಎಂದು ಅಂದಾಜಿಸಲಾಗಿದೆ ಎಂದು ಕುಟುಂಬಸ್ಥರು ಅಲವತ್ತುಕೊಂಡರು. ನಂತರ ಶಾಸಕರು, ಕುಟುಂಬಸ್ಥರಿಗೆ ಸಾಂತ್ವನ ಹೇಳಿ ಆಸ್ಪತ್ರೆಯ ಸಂಪೂರ್ಣ ಚಿಕಿತ್ಸಾ ವೆಚ್ಚ ಭರಿಸುವುದಾಗಿ ತಿಳಿಸಿದರು. ದೇವರ ಜಾತ್ರಾ ಮಹೋತ್ಸವದಲ್ಲಿ ದುರ್ಟನೆ ಜರುಗಿದೆ. ಭಯಪಡುವ ಅಗತ್ಯವಿಲ್ಲ, ತಾಯಿ ಹುಸ್ಕೂರು ಮದ್ದೂರಮ್ಮ ಶ್ರೀದಲ್ಲೆ ಗುಣಮುಖರಾಗುವಂತೆ ಹರಸುತ್ತಾಳೆ ಎಂದರು.
