ಸಾಧಕ ವಿದ್ಯಾರ್ಥಿಗಳಿಗೆ ಪ್ರತಿಭಾ ಪುರಸ್ಕಾರ...

ವಳಕಾಡು ಸರ್ಕಾರಿ ಪ್ರೌಢಶಾಲೆಯಲ್ಲಿ ಭೋಜನ ಕೊಠಡಿ ವಿಸ್ತರಣೆ

ವಿಜಯವಾಣಿ ಸುದ್ದಿಜಾಲ ಉಡುಪಿ

ವಳಕಾಡಿನಲ್ಲಿರುವ ಸರ್ಕಾರಿ ಸಂಯುಕ್ತ ಪ್ರೌಢಶಾಲೆಯಲ್ಲಿ ಅನ್ನಪೂರ್ಣಾ ಭೋಜನ ಶಾಲೆಯ ವಿಸ್ತರಿಸಿದ ಮೇಲ್ಛಾವಣಿ ಉದ್ಘಾಟನೆ ಹಾಗೂ ಪ್ರತಿಭಾ ಪುರಸ್ಕಾರ ವಿತರಣೆ ಕಾರ್ಯಕ್ರಮ ಜುಲೈ 14ರಂದು ನಡೆಯಿತು.

ಮಣಿಪಾಲ ಪೇಮೆಂಟ್​ ಆ್ಯಂಡ್​ ಐಡೆಂಟಿಟಿ ಸೊಲ್ಯೂಷನ್​ನ ಸಿಎಸ್​ಆರ್​ ಫಂಡ್​ನ 5 ಲಕ್ಷ ರೂ. ಕೊಡುಗೆಯಲ್ಲಿ ನಿರ್ಮಿಸಿದ ಮೇಲ್ಛಾವಣಿಯನ್ನು ಶಾಸಕ ಯಶ್​ಪಾಲ್​ ಸುವರ್ಣ ಉದ್ಘಾಟಿಸಿದರು. ಕಾಮಗಾರಿಗೆ ಸಹಕರಿಸಿದ ದಾನಿಗಳಾದ ರೋನಾಲ್ಡ್​ ಡಿಸೋಜ ಹಾಗೂ ಸುದರ್ಶನ ಶೇರಿಗಾರ ಅವರನ್ನು ಗೌರವಿಸಲಾಯಿತು.

ಪ್ರೌಢಶಾಲಾ ವಿಭಾಗದ ಮುಖ್ಯ ಶಿಕ್ಷಕಿ ಪೂರ್ಣಿಮಾ ಸ್ವಾಗತಿಸಿದರು. ಸಹ ಶಿಕ್ಷಕ ಶಿವರಾಮ ಶೆಟ್ಟಿ ವಂದಿಸಿದರು. ಕನ್ನಡ ಶಿಕ್ಷಕಿ ತಾರಾಮತಿ ಕಾರ್ಯಕ್ರಮ ನಿರೂಪಿಸಿದರು.