ಎಲ್ಲಾ ಪ್ರವಾಸೋದ್ಯಮ ಕ್ಷೇತ್ರಗಳ ಹಾಗೆ ತಲಕಾವೇರಿಯೂ ಆಗಿ ಹೋಗಿದೆ. ವಸ್ತ್ರಸಂಹಿತೆ ಇಲ್ಲ. ಎಲ್ಲಿ ಬೇಕಲ್ಲಿ ಕಸ ಹಾಕುವುದು, ಹೇಗೆ ಬೇಕೋ ಹಾಗೇ ಬಂದು ಹೋಗುವುದು. ಮನಸೋ ಇಚ್ಛೆ ವರ್ತನೆ ಮಾಡುವುದು ಕಂಡು ಬರುತ್ತಿದೆ. ನಾವೂ ಕಳೆದ ಬಾರಿ ತಲಾಕಾವೇರಿಗೆ ಹೋದಾಗ ಒಂದಷ್ಟು ಹುಡುಗಿಯರು ತುಂಡುಡುಗೆಯಲ್ಲಿ ಅಲ್ಲಿಗೆ ಬಂದಿದ್ದರು. ಆಗ ಅಲ್ಲಿನವರು ಆ ಯುವತಿಯರಿಗೆ ಇದು ಧಾರ್ಮಿಕ ಕ್ಷೇತ್ರ ಇಲ್ಲಿಗೆ ಹೀಗೆ ಬರಬಾರದು ಎಂದು ತಿಳಿಸುವ ಯತ್ನ ಮಾಡಿದರು. ಅವರು ಅದಕ್ಕೆ ಸೊಪ್ಪು ಹಾಕಲಿಲ್ಲ. ಇದು ಪ್ರವಾಸಿ ತಾಣವಾಗಿ ಮಾಡಿರುವುದರಿಂದ ಹೀಗಾಗುತ್ತಿದೆ.
ಮೇರಿಯಂಡ ಗಾಯಿತ್ರಿ ಅರಸು, ನಿರ್ದೇಶಕರು, ಕೊಡವ ಸಮಾಜ, ವಿರಾಜಪೇಟೆ
ಕಾವೇರಿ ಮಾತೆಯನ್ನು ದೈವಸ್ವರೂಪಿಣಿಯಾಗಿ ನೋಡುತ್ತೇವೆ. ಪಾವಿತ್ರ್ಯತೆ ಬಗ್ಗೆ ನಂಬಿಕೆ ಇದೆ. ಅದಕ್ಕೆ ಧಕ್ಕೆ ಆಗಬಾರದು. ಪ್ರವಾಸಿಗರು ತಲಕಾವೇರಿಗೆ ಬರುವುದಕ್ಕೆ ವಿರೋಧ ಇಲ್ಲ. ದೇವತಾ ಮನೋಭಾವದಿಂದ ಬರಬೇಕು. ಪುಣ್ಯಕ್ಷೇತ್ರಕ್ಕೆ ಮೋಜು ಮಸ್ತಿ ಮಾಡಲು ಬರುವುದು ಬೇಡ.
ಮಾಳೇಟ್ಟಿರ ಬಿ. ಅಭಿಮನ್ಯು ಕುಮಾರ್. ಉಪಾಧ್ಯಕ್ಷ, ಕೊಡವ ಸಮಾಜಗಳ ಒಕ್ಕೂಟ.
ತಲಕಾವೇರಿ ಪ್ರವಾಸಿ ತಾಣವಾಗಿ ಅಭಿವೃದ್ಧಿ ಪಡಿಸಿದರೆ ತೊಂದರೆ ಇಲ್ಲ. ಆದರೆ ಮೋಜು ಮಸ್ತಿಗೆ ಅವಕಾಶವಿರಬಾರದು. ಹೆಚ್ಚು ಪ್ರವಾಸಿಗರು ಬಂದರೆ ಅದಾಯ ಬರುತ್ತದೆ. ಹೆಚ್ಚಿನ ಅಭಿವೃದ್ಧಿಯಾಗುತ್ತದೆ. ಮೂಲ ಸ್ಥಳದಲ್ಲಿ ಪ್ರಾವಿತ್ಯತೆ ಕಾಪಾಡಲೇಬೇಕು. ಬ್ರಹ್ಮಗಿರಿ ಬೆಟ್ಟದಲ್ಲಿ ಪ್ರವಾಸಿಗರಿಗೆ ಪ್ರಕೃತಿ ಸೌಂದರ್ಯವನ್ನು ವೀಕ್ಷಿಸುವ ಅವಕಾಶ ಮಾಡಿಕೊಡಬೇಕು.
ಚಿಮ್ಮಣಮಾಡ ಶಶಿಕುಮಾರ್, ಚಿಕ್ಕಮಂಡೂರು ಗ್ರಾಮ.
ತಲಕಾವೇರಿಗೆ ಪ್ರವಾಸಿಗರಿಗೆ ನಿರ್ಬಂಧ ಹೇರಬೇಕು. ಅಲ್ಲಿಯ ಪಾವಿತ್ರ್ಯತೆೆಯನ್ನು ಕಾಪಾಡಿಕೊಳ್ಳಬೇಕು ಮೋಜು ಮಸ್ತಿಗಾಗಿ ಕ್ಷೇತ್ರಕ್ಕೆ ಬಂದರೆ ಪಾವಿತ್ರ್ಯತೆಗೆ ಧಕ್ಕೆಯುಂಟಾಗುತ್ತದೆ.
ಚೇದಂಡ ಚಿಮ್ಮಿ, ಅಧ್ಯಕ್ಷರು, ಕನ್ನಿ ಕಾವೇರಿ ಸೇವಾ ಟ್ರಸ್ಟ್
ಕಾವೇರಿ ಉಗಮ ಸ್ಥಾನ ತಲಕಾವೇರಿ ಮತ್ತು ತ್ರಿವೆಣಿ ಸಂಗಮ ಕ್ಷೇತ್ರ ಭಾಗಮಂಡಲವನ್ನು ಪ್ರವಾಸಿ ತಾಣಗಳ ಪಟ್ಟಿಯಿಂದ ತೆಗೆದು ತೀರ್ಥ ಕ್ಷೇತ್ರಗಳನ್ನಾಗಿ ಘೋಷಿಸಬೇಕು. ಪ್ರವಾಸಿ ತಾಣವಾದರೆ ಕೊಡಗಿನ ಜನರ ನಂಬಿಕೆಗೆ ಧಕ್ಕೆಯಾಗಲಿದೆ. ಪ್ರವಾಸಿ ತಾಣವಾದರೆ ಮೋಜು ಮಸ್ತಿ ತಾನಾಗಿ ಬದಲಾವಣೆಯಾಗಲಿದೆ. ಯಾವುದೇ ಕಾರಣಕ್ಕೂ ಪ್ರವಾಸಿ ತಾಣವಾಗದಿರಲಿ.
ಶಂಭು, ಗೌಡಳ್ಳಿ ಗ್ರಾಮಸ್ಥ.
ಕಾವೇರಿ ಮಾತೆ ಕೊಡವರ ಕುಲಮಾತೆ. ದಕ್ಷಿಣ ಭಾರತದ ಅನ್ನದಾತೆ. ಜೀವನಾಡಿ... ಕೊಡವರು ಹುಟ್ಟಿ ಸಾಯುವವರೆಗೂ ದೇವಿಯ ಸನ್ನಿಧಿಯಲ್ಲಿ ನಮ್ಮ ಸಂಪ್ರಾದಾಯ, ಸಂಸ್ಕಾರಗಳನ್ನು ನಡೆಸುತ್ತೇವೆ.
