ತಹಸೀಲ್ದಾರ್ ವಿನೋದ ಹತ್ತಳ್ಳಿ ಮಾತನಾಡಿ, ನಗರದಲ್ಲಿ ಮೂರರ ಪೈಕಿ ಎರಡು ಸೇರಿ ತಾಲೂಕಿನಲ್ಲಿ 38 ಕೆರೆಗಳಲ್ಲಿ 15 ಕೆರೆಗಳು ಒತ್ತುವರಿಯಾಗಿವೆ. ದತ್ತಾತ್ರೇಯ ಕೆರೆ 3.11 ಗುಂಟೆ ಎಕರೆ ಒತ್ತುವರಿಯಾಗಿದೆ ತಿಳಿಸಿದಾಗ, ಬವಿವಿ ಸಂಘದವರಿಂದ ದತ್ತ ಕೆರೆ ಸುತ್ತ ಕಾಂಪೌಂಡ್ ನಿರ್ಮಿಸಲಾಗಿದೆ. ಸಿದ್ಧರಾಮೇಶ್ವರ ನಗರದ ಕೆರೆಯ ಬಗ್ಗೆ ನಗರಸಭೆ ವತಿಯಿಂದ ಮುಲಾಜಿಲ್ಲದೆ ಸರ್ವೇ ಮಾಡಿಸಬೇಕೆಂದು ಸಚಿವರು ಸೂಚಿಸಿದರು.
ಅಬಕಾರಿ ಇಲಾಖೆಯ ರಾಜು ಹೊಸಮನಿ ಮಾತನಾಡಿ, ಶಿರೋಳ ಬಳಿ 8 ಕೆಜಿ ಗಾಂಜಾ ವಶಕ್ಕೆ ತೆಗೆದುಕೊಂಡ ಕುರಿತು ಮಾಹಿತಿ ನೀಡಿದರು.
ಆ.17ರ ಸಭೆಯಲ್ಲಿ ಉಳಿದ ಇಲಾಖೆಗಳ ಪ್ರಗತಿ ಬಗ್ಗೆ ಚರ್ಚಿಸಲು ನಿರ್ಧರಿಸಲಾಯಿತು. ತಾಪಂ ಆಡಳಿತಾಧಿಕಾರಿ ಸಿದ್ದರಾಮೇಶ್ವರ ಉಕ್ಕಲಿ, ತಾಪಂ ಇಒ ಸಂಜೀವ ಹಿಪ್ಪರಗಿ ಇತರರಿದ್ದರು.
