ಪಟ್ಟಣದಿಂದ ಹಳಿಯಾಳ, ಧಾರವಾಡ ಹಾಗೂ ಗೋವಾ ರಾಜ್ಯ ಮಾರ್ಗದ 5 ಕಿಮೀ ರಸ್ತೆಯ ಅಕ್ಕ-ಪಕ್ಕದಲ್ಲಿ ದಶಕಗಳಿಂದ ಇರುವ ಕಾಲುವೆಗಳು ಮುಚ್ಚಿ ಹೋಗಿವೆ. ಇದರಿಂದಾಗಿ ಮಳೆ ನೀರು ಹರಿದು ಹೋಗಲು ಸಾಧ್ಯವಾಗದೇ ರಸ್ತೆ ಮೇಲೆ ನೀರು ಹರಿಯುತ್ತಿದೆ. ಕಾಳಿ ನದಿ ಯೋಜನೆಯ ಪೈಪ್ಲೆನ್ ಕಾಮಗಾರಿಯಿಂದಾಗಿ ಅಲ್ಲಲ್ಲಿ ಮುಚ್ಚಲಾಗಿರುವ ತಗ್ಗುಗಳಲ್ಲಿ ನೀರು ಸಂಗ್ರಹಗೊಳ್ಳುತ್ತಿದೆ. 2020ರಲ್ಲಿ 50 ಲಕ್ಷ ರೂ.ಗಳ ಅನುದಾನದಲ್ಲಿ ಈ ರಸ್ತೆಯನ್ನು ದುರಸ್ತಿಗೊಳಿಸಲಾಗಿದೆ. ಪ್ರತಿ ವರ್ಷ ಮಳೆಗಾಲದಲ್ಲಿ 6 ಕಿಮೀ ರಸ್ತೆಯುದ್ದಕ್ಕೂ ಬೀಳುತ್ತಿರುವ ತಗ್ಗು-ಗುಂಡಿಗಳನ್ನು ದುರಸ್ತಿಗೊಳಿಸಲು 20 ಲಕ್ಷ ರೂ.ಗಳು ವೆಚ್ಚವಾಗುತ್ತಿದೆ. ಪ್ರತಿ ಮಳೆಗಾಲದಲ್ಲೂ ಅನುಭವಿಸಬೇಕಾದ ತಗ್ಗು-ಗುಂಡಿಗಳ ಕಿರಿಕಿರಿ ತಪ್ಪಿಸಲು ಲೋಕೋಪಯೋಗಿ ಇಲಾಖೆ ಅಧಿಕಾರಿಗಳು ಶಾಶ್ವತವಾದ ಗುಣಮಟ್ಟದ ರಸ್ತೆ ನಿರ್ವಿುಸುವತ್ತ ಗಮನ ಹರಿಸಬೇಕು ಎಂದು ಸಾರ್ವಜನಿಕರು ಒತ್ತಾಯಿಸಿದ್ದಾರೆ.
