ನೂತನ ಆಡಳಿತಕ್ಕೆ ಸವಾಲು
ಗ್ರಾಮದಲ್ಲಿ ಸ್ವಚ್ಛತೆ ಕಾಪಾಡುವ ನಿಟ್ಟಿನಲ್ಲಿ ಹಿಂದಿನ ಅವಧಿಯಲ್ಲಿ ಸ್ವಚ್ಛ ಸಂಕೀರ್ಣ ನಿರ್ಮಿಸಲಾಗಿದೆ. ಸಂಗ್ರಹಿಸಲಾದ ಕಸ ಸಾಗಾಟಕ್ಕೆ ವಾಹನವೂ ಬಂದಿದೆ. ಪ್ರತಿ ಮನೆಗೂ ಒಣಕಸಕ್ಕೆ ಬೋರೋ ಬ್ಯಾಗ್, ಹಸಿಕಸ ಸಂಗ್ರಹಕ್ಕೆ ಬಕೆಟ್ ವಿತರಿಸಲಾಗಿದೆ. ಗ್ರಾಮದಾದ್ಯಂತ ಸೂಚನಾ ಫಲಕ ಅಳವಡಿಸಲಾಗಿದೆ. ಪ್ರತಿಯೊಂದು ಸೂಚನಾ ಫಲಕ 1500 ರೂ. ತೂಗಿದ್ದು, 1.60 ಲಕ್ಷ ರೂ. ಮೌಲ್ಯದ 100ಕ್ಕೂ ಅಧಿಕ ಫಲಕಗಳನ್ನು ಅಳವಡಿಸಲಾಗಿದೆ. ಇದಕ್ಕೆ ಸ್ಥಳೀಯ ಮಸೀದಿಗಳು, ದೈವ ದೇವಸ್ಥಾನ, ಖಾಸಗಿ ಸಂಸ್ಥೆಗಳ ಸಹಕಾರ ಪಡೆಯಲಾಗಿದೆ. ಸ್ವಾತಂತ್ರ್ಯ ದಿನದ ಕಾರ್ಯಕ್ರಮದಲ್ಲಿ ಕಸ ಸಂಗ್ರಹ ವಾಹನಕ್ಕೆ ಚಾಲನೆ ನೀಡಲಾಗಿದೆ. ಹಸಿಕಸ ಗ್ರಾಮದಲ್ಲೇ ಇರುವ ಖಾಸಗಿ ಘಟಕಕ್ಕೆ ನೀಡಲು ಉದ್ದೇಶಿಸಲಾಗಿದ್ದು ಒಣಕಸ ಪಂಚಾಯಿತಿ ಘಟಕದಲ್ಲಿ ನಿರ್ವಹಿಸಲು ಯೋಜನೆ ರೂಪಿಸಲಾಗಿದೆ. ಆದರೆ ಮರುದಿನ ನೂತನ ಆಡಳಿತ ಅಸ್ತಿತ್ವಕ್ಕೆ ಬಂದಿದ್ದು, ಕಸ ಸಂಗ್ರಹ, ಗ್ರಾಮ ಸ್ವಚ್ಛತಾ ಸವಾಲು ನೂತನ ಆಡಳಿತದ ಹೆಗಲ ಮೇಲಿದೆ.
