ಅಜ್ಜವಾರ ಸಂಘದಲ್ಲಿ ಅಕ್ರಮ
ಚಿಕ್ಕಬಳ್ಳಾಪುರ ತಾಲೂಕಿನ ಅಜ್ಜವಾರ ಹಾಲು ಉತ್ಪಾದಕರ ಸಹಕಾರ ಸಂಘದಲ್ಲಿ (ಕಳೆದ 2023ನೇ ಸಾಲಿನ ಸೆಪ್ಟೆಂಬರ್ನಿಂದ ಡಿಸೆಂಬರ್) 80ರಿಂದ 100 ಲೀಟರ್ ಸ್ಥಳೀಯ ಹಾಲು ಮಾರಾಟ, ಬಟವಾಡೆ ಪುಸ್ತಕದಲ್ಲಿ ಸದಸ್ಯರಲ್ಲದ ಹಾಗೂ ಹಾಲು ಪೂರೈಸದ ಅನ್ಯ ವ್ಯಕ್ತಿಗಳಿಗೆ ಬಟವಾಡೆ ಮಾಡಿರುವುದು ಪತ್ತೆಯಾಗಿದೆ. ಬೇನಾಮಿ ಕಾರ್ಡ್ ದಾರರಾದ ಅಶ್ವತ್ಥಮ್ಮ, ರವೀಂದ್ರ, ಪಿ.ಆರ್. ಆಂಜನೇಯರೆಡ್ಡಿ, ಓಬಳಮ್ಮ, ಶ್ಯಾಮಲಾ, ಗೌಸಿಯಾ ತಾಜ್, ಚಿಕ್ಕಮುನಿಯಮ್ಮ, ವೆಂಕಟೇಶಪ್ಪ, ತಿಮ್ಮಪ್ಪ, ಲಕ್ಷಮ್ಮ, ಆನಂದಮ್ಮ, ವಿ.ಚೇತನ್, ಗಾಯತ್ರಮ್ಮ ಮತ್ತು ರುಕ್ಮಿಣಿ ಎಂಬ ಹೆಸರುಗಳಿಗೆ 4.70 ಲಕ್ಷ ರೂ.ಗಳನ್ನು ಬ್ಯಾಂಕ್ ಖಾತೆಯ ಮೂಲಕ ಜಮಾಗೊಳಿಸಲಾಗಿತ್ತು. ಸಂಘಕ್ಕೆ ಸಂಬಂಧಿಸಿದ ಖರೀದಿ ಪುಸ್ತಕ, ಬಟವಾಡೆ ಪುಸ್ತಕ ನೀಡದಿರುವುದು, ಬಟವಾಡೆ ರಿಜಿಸ್ಟರ್ ಅನ್ನು ಸೂಚನಾ ಫಲಕದಲ್ಲಿ ಬಿತ್ತರಿಸಲು ಒಂದು ಪಟ್ಟಿ ಹಾಗೂ ಬ್ಯಾಂಕ್ ಬಟವಾಡೆ ಮಾಡಲು ಬೇರೆ ಪಟ್ಟಿಯನ್ನು ತಯಾರಿಸಿರುವುದು, 2023ನೇ ಸಾಲಿನ ಜನವರಿಯಿಂದ ಡಿಸೆಂಬರ್ವರೆಗೆ ಲೀಟರ್ ಹಾಲಿನ 5 ರೂ. ಪ್ರೋತ್ಸಾಹಧನ 84 ಸಾವಿರ ರೂ, ಏಪ್ರಿಲ್ನಿಂದ ಆಗಸ್ಟ್ವರೆಗಿನ 3,34,070 ರೂ. ಮತ್ತು ಸೆಪ್ಟೆಂಬರ್ನಿಂದ ಡಿಸೆಂಬರ್ರವರೆಗಿನ 4.70 ಲಕ್ಷ ರೂ. ಸೇರಿ 8,88,110 ರೂ.ಗಳನ್ನು ಬೇನಾಮಿ ಕಾರ್ಡ್ದಾರರಿಗೆ ಜಮಾ ಮಾಡಲಾಗಿದೆ ಎಂಬ ಆರೋಪ ಕೇಳಿ ಬಂದಿದೆ.
