ಬೆಂಗಳೂರು: ದೇಶ ಎದುರಿಸುತ್ತಿರುವ ಬಹುತೇಕ ಎಲ್ಲ ಸಮಸ್ಯೆಗಳಿಗೆ ಉತ್ತಮ ಆಡಳಿತ (ಸುಶಾಸನ) ಪರಿಹಾರವಾಗಿದೆ ಎಂದು ಮಾಜಿ ಡಿಸಿಎಂ ಹಾಗೂ ಶಾಸಕ ಡಾ.ಸಿ.ಎನ್.ಅಶ್ವತ್ಥ ನಾರಾಯಣ ಹೇಳಿದರು.
ಮಾಜಿಪ್ರಧಾನಿ ಭಾರತ ರತ್ನ ಅಟಲ್ ಬಿಹಾರಿ ವಾಜಪೇಯಿ ಜಯಂತಿ ಅಂಗವಾಗಿ ಮಲ್ಲೇಶ್ವರ ವಿಧಾನಸಭಾ ಕ್ಷೇತ್ರದ ದಿವಾನರಪಾಳ್ಯದಲ್ಲಿರುವ ಅಟಲ್ಜಿ ಉದ್ಯಾನವನದ ಮೈದಾನದಲ್ಲಿ ಆಯೋಜಿಸಲಾಗಿದ್ದ ಸುಶಾಸನ ದಿನಾಚರಣೆಯಲ್ಲಿ ಪಾಲ್ಗೊಂಡು ಮಾತನಾಡಿದರು.
ಅಟಲ್ ಬಿಹಾರಿ ವಾಜಪೇಯಿಯವರು ದೇಶ ಕಂಡ ಮಹಾನ್ ನಾಯಕ. ಭಾರತದ ನವನಿರ್ಮಾಣ ಶಿಲ್ಪಿಯಾಗಿದ್ದ ಅವರ ದೂರದೃಷ್ಟಿಯ ಲವನ್ನು ಇಂದು ದೇಶ ಅನುಭವಿಸುತ್ತಿದೆ. ಓರ್ವ ಆಡಳಿತಗಾರರಾಗಿ, ಕವಿಯಾಗಿ, ಮುತ್ಸದ್ಧಿ ರಾಜಕಾರಣಿಯಾಗಿ ದೇಶಕ್ಕೆ ನೀಡಿರುವ ಕೊಡುಗೆ ಅಪಾರ. ಅವರ ಆಡಳಿತದ ವೈಖರಿ ಎಲ್ಲರಿಗೂ ಮಾದರಿ. ಆ ಕಾರಣಕ್ಕಾಗಿಯೇ ಪ್ರಧಾನಿ ನರೇಂದ್ರ ಮೋದಿಯವರು 2014ರಲ್ಲಿ ವಾಜಪೇಯಿ ಜನ್ಮದಿನವನ್ನು ಸುಶಾಸನ ದಿನಾಚರಣೆ ಎಂಬುದಾಗಿ ೋಷಣೆ ಮಾಡಿದರು. ಉತ್ತಮ ಆಡಳಿತದಿಂದ ದೇಶದ ಅಭಿವೃದ್ಧಿ, ಪ್ರಗತಿ, ಭ್ರಷ್ಟಾಚಾರ ನಿರ್ಮೂಲನೆ, ಬಡವರ ಕಲ್ಯಾಣ ಇತ್ಯಾದಿ ಎಲ್ಲ ಸಮಸ್ಯೆಗಳು ನಿವಾರಣೆಯಾಗುತ್ತವೆ. ವಾಜಪೇಯಿ ಜನ್ಮದಿನವು ಅಂತಹ ಉತ್ತಮ ಆಡಳಿತ ನೀಡಲು ಪ್ರೇರಣೆ ನೀಡುತ್ತದೆ ಎಂದು ಅಶ್ವತ್ಥ ನಾರಾಯಣ ವಿವರಿಸಿದರು.
ಉದ್ಯಾನವನದಲ್ಲಿರುವ ಪ್ರತಿಮೆಗೆ ಡಾ.ಸಿ.ಎನ್.ಅಶ್ವತ್ಥನಾರಾಯಣ ಮಾಲಾರ್ಪಣೆ ಮಾಡಿ ಗೌರವ ಸಲ್ಲಿಸಿದರು. ನಂತರ ನಿಪುಣ್ ಭಾರತ್ ಅಭಿಯಾನಕ್ಕೆ ಚಾಲನೆ ನೀಡಲಾಯಿತು. ಸಮಾರಂಭದಲ್ಲಿ ಖ್ಯಾತ ಭಾಷಣಕಾರ ಪ್ರೊ.ಕೃಷ್ಣೇಗೌಡ, ಹಿಮಾಂಶು ಶಿಕ್ಷಣ ಸಂಸ್ಥೆಯ ನಿರ್ದೇಶಕ ವಿಜಯಕುಮಾರ್, ಮಹಿಳಾ ಮತ್ತು ಮಕ್ಕಳ ಅಭಿವೃದ್ಧಿ ಇಲಾಖೆ ಉಪನಿರ್ದೇಶಕ ಡಾ.ಸಿದ್ಧರಾಮಣ್ಣ, ಕ್ಷೇತ್ರ ಶಿಕ್ಷಣಾಧಿಕಾರಿ ರಘುಚಂದ್ರ, ಶಿಕ್ಷಣ ಫೌಂಡೇಶನ್ನ ಪ್ರಸನ್ನ, ಮಾಜಿ ಕಾಪೋರೇಟರ್ಗಳಾದ ಜಯಪಾಲ್, ಮುನಿಸ್ವಾಮಿ, ಕೇಶವ ಐತಾಳ್ ಮತ್ತಿತರರು ಉಪಸ್ಥಿತರಿದ್ದರು.
