ಶುಕ್ರವಾರ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ಶಿಕ್ಷಕರಲ್ಲಿ ಹಲವು ಸಮಸ್ಯೆಗಳಿದ್ದು ಸೂಕ್ತ ಪರಿಹಾರಕ್ಕಾಗಿ ಈ ಅಧಿನಿಯಮ ಕಾಯಿದೆ ಎಂಬುವುದ ವಿನೂತನ ಚಿಂತನೆಯಾಗಿದ್ದು, ಉಪನ್ಯಾಸಕರ ಸಮಸ್ಯೆಗಳಿಗೆ ಸಹಾಯವಾಗಲಿದೆ. ಶಿಕ್ಷಕ ಸಮುದಾಯದ ಬಗ್ಗೆ ಚಿಂತನೆ ನಡೆಸಿರುವ ಹರೀಶ್ ಆಚಾರ್ಯರನ್ನು ಎಲ್ಲ ಖಾಸಗಿ, ಸರ್ಕಾರಿ ಶಾಲಾ ಕಾಲೇಜು ಶಿಕ್ಷಕರು ಸಂಪೂರ್ಣ ಬೆಂಬಲ ವ್ಯಕ್ತಪಡಿಸಿದ್ದಾರೆ. ಖಾಸಗಿ ಶಾಲಾ ಕಾಲೇಜು ಶಿಕ್ಷಕರಿಗೆ ಆ ಹುದ್ದೆಯ ಮೂಲವೇತನವನ್ನು ಕನಿಷ್ಠ ವೇತನವನ್ನಾಗಿ ಪರಿಗಣಿಸಬೇಕು, ಗುತ್ತಿಗೆ ಅವಧಿಯು ಕನಿಷ್ಠ 36 ತಿಂಗಳು ಆಗಿರಬೇಕು. ಮಹಿಳಾ ಶಿಕ್ಷಕರಿಗೆ ಹೆಚ್ಚುವರಿ 5 ಸಾಂದರ್ಬಿಕ ರಜೆ ನೀಡುವ ಕುರಿತು ಸೇರಿ ಹಲವು ಸಂಗತಿಗಳನ್ನು ಮಸೂದೆಯಲ್ಲಿ ಸೇರಿಸಿಕೊಳ್ಳುವ ನಿಲುವಿನಲ್ಲಿ ಶಿಕ್ಷಕ ಸಮುದಾಯ ಸಂಪೂರ್ಣ ಹಿತದ ಆಶಯ ಅಡಗಿದೆ ಎಂದರು.
