ಖಾಸಗಿ ಬಂಡವಾಳಿಗರು ಶಾಶ್ವತವಾಗಿ ಅಣೆಕಟ್ಟೆ ಒಳಗೊಂಡಂತೆ ಡ್ಯಾಂ ಪ್ರದೇಶವನ್ನು ಕಬಳಿಸುತ್ತಾರೆ. ನೀರಾವರಿ ಪ್ರದೇಶವಾದ ಶ್ರೀರಂಗಪಟ್ಟಣ, ಪಾಂಡವಪುರ ತಾಲೂಕಿನ 100 ಹಳ್ಳಿಗಳ ಕೃಷಿ ಬದುಕು, ಜನಗಳ ಸಾಮಾಜಿಕ ಬದುಕು ಪಲ್ಲಟವಾಗುತ್ತದೆ. ಮಹಾರಾಜರಾದ ನಾಲ್ವಡಿ ಕೃಷ್ಣರಾಜ ಒಡೆಯರ್ ಅವರು ರೂಪಿಸಿ ನಿರ್ಮಾಣ ಮಾಡಿರುವ ಅಣೆಕಟ್ಟೆ ಕೃಷಿ ಬದುಕಿಗಾಗಿಯೇ ಹೊರತು ಮೋಜು, ಮಸ್ತಿ, ಪ್ರವಾಸೋದ್ಯಮ, ವ್ಯಾಪಾರ ಮಾಡಲು ಅಲ್ಲ. ಮಹಾರಾಜರ ಆಲೋಚನೆ, ದೂರದೃಷ್ಟಿಗೆ ಸರ್ಕಾರ ಮಸಿ ಬಳಿಯುವ ಕೆಲಸ ಮಾಡುತ್ತಿದೆ. ಅಣೆಕಟ್ಟೆಯ ಪ್ರದೇಶದಲ್ಲಿ ಕೃಷಿ ಅಭಿವೃದ್ಧಿ, ನೀರಾವರಿ ಅಭಿವೃದ್ಧಿ ಯೋಜನೆಯನ್ನು ಸರ್ಕಾರ ರೂಪಿಸಬೇಕಿತ್ತು. 120 ವರ್ಷದ ಡ್ಯಾಂಗೆ ಸಮನಾಂತರವಾಗಿ ಹೊಸ ಅಣೆಕಟ್ಟೆ ನಿರ್ಮಿಸಬೇಕೆಂಬ ಆಲೋಚನೆಯನ್ನು ರಾಜ್ಯ ಸರ್ಕಾರ ಮಾಡಬೇಕಿತ್ತು. ಆದರೆ ಮಾರಕ ಯೋಜನೆ ಜಾರಿಗೆ ಮುಂದಾಗಿದೆ. ಆದ್ದರಿಂದ ಇದರ ವಿರುದ್ಧ ಸಾಮಾಜಿಕ ಹಾಗೂ ಕಾನೂನು ಹೋರಾಟ ಮಾಡಲಾಗುವುದು ಎಂದು ಸ್ಪಷ್ಟವಾಗಿ ತಿಳಿಸಿದ್ದಾರೆ.
