ಮಹಾನಗರ ಪಾಲಿಕೆ, ದಂಡು ಮಂಡಳಿ ಅಕಾರಿಗಳು ನಗರದಲ್ಲಿ ಚರಂಡಿ, ಒಳಚರಂಡಿ ಹಾಗೂ ನಾಲಾಗಳ ಸ್ವಚ್ಛತೆ ಮಾಡದಿರುವ ಪರಿಣಾಮ ಬಹುತೇಕ ಚರಂಡಿ, ನಾಲಾಗಳು ಬ್ಲಾಕ್ ಆಗಿ ಅವಾಂತರ ಸೃಷ್ಟಿಸಿದವು. ಹಳೇ ಪಿಬಿ ರಸ್ತೆ ರೈಲ್ವೆ ಸೇತುವೆ ಬಳಿ ನಾಲಾ ಕುಸಿದು ಬಿದ್ದರೆ, ಸಮರ್ಥ ನಗರ ಸೇರಿ ವಿವಿಧೆಡೆ ಮನೆಗಳಿಗೆ ನೀರು ನುಗ್ಗಿತು. ಹಳೇ ಪಿಬಿ ರಸ್ತೆ, ಟಿಳಕವಾಡಿ, ಶಹಾಪುರ, ಹಳೇ ಗಾಂನಗರ, ಶಾಂತಿ ನಗರ, ಶಿವಾಜಿ ಕಾಲನಿ, ಬೆನಕೆ ಬಡಾವಣೆ, ಸಮರ್ಥ ನಗರ, ಮರಾಠಿ ಕಾಲನಿ ಸೇರಿ ಹಲವು ಪ್ರದೇಶಗಳು ಸಮಸ್ಯೆ ಎದುರಿಸಿದವು. ಪರಿಹಾರ ಕಾರ್ಯ ಕೈಗೊಳ್ಳಬೇಕಾಗಿದ್ದ ಪಾಲಿಕೆ ಅಕಾರಿಗಳು ನಿರ್ಲಕ್ಷ ಮಾಡಿರುವುದಕ್ಕೆ ಜನರು ಆಕ್ರೋಶ ವ್ಯಕ್ತಪಡಿಸಿದರು. ಜನ ವಸತಿ, ಮಾರುಕಟ್ಟೆ, ಮುಖ್ಯ ರಸ್ತೆಗಳ ಬದಿಯಲ್ಲಿರುವ ಚರಂಡಿಗಳ ನೀರು ಹರಿದು ಹೋಗಲು ಮಾರ್ಗಗಳು ಇಲ್ಲ. ಪರಿಣಾಮ ಚರಂಡಿ ನೀರು ರಸ್ತೆ ಮೇಲೆ ಹರಿಯಿತು. ಇದರಿಂದಾಗಿ ವಾಹನ ಸವಾರರು, ಪಾದಚಾರಿಗಳು, ವ್ಯಾಪಾರಿಗಳು ಸಮಸ್ಯೆ ಎದುರಿಸಿದರು.
