ಇಲ್ಲಿನ ಅತಿಥಿ ಗೃಹದಲ್ಲಿ ಶನಿವಾರ ಹಮ್ಮಿಕೊಂಡಿದ್ದ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದರು. ಮಹಾನಗರ ಪಾಲಿಕೆ, ಕೆಐಡಿಬಿ, ಜಿಲ್ಲಾಸ್ಪತ್ರೆ, ಪರಿಸರ ಮಾಲಿನ್ಯ, ಎಪಿಎಂಸಿ ಯಾರ್ಡ್, ತ್ಯಾಜ್ಯ ವಿಲೇವಾರಿ ಘಟಕ, ಆಹಾರ ಸರಬರಾಜು ಇಲಾಖೆ, ಕೆ ಎಸ್ ಎಫ್ ಸಿ ಇಲಾಖೆ ಸೇರಿದಂತೆ ಒಟ್ಟು ಒಂಬತ್ತು ಇಲಾಖೆ ವಿರುದ್ಧ ಪ್ರಕರಣ ದಾಖಲಿಸಲಾಗುವುದು. ಎಪಿಎಂಸಿ ಯಲ್ಲಿ ರೈತರಿಂದ ಹೆಚ್ಚಿನ ಕಮಿಷನ್ ಸಂಗ್ರಹಿಸುವ ಮೂರು ಮಳಿಗೆಗಳಿಗೆ ಪರವಾನಗಿ ರದ್ದುಗೊಳಿಸುವಂತೆ ಆದೇಶಿಸಲಾಗಿದೆ. ನಗರದ ಹೊರವಲಯದ ಘನ ತ್ಯಾಜ್ಯ ಘಟಕದಲ್ಲಿ 2.64 ಲಕ್ಷ ಟನ್ ತ್ಯಾಜ್ಯ ಸಂಗ್ರಹಗೊಂಡಿದ್ದು, 2008 ರಿಂದ ಈವರೆಗೆ ವಿಲೇವಾರಿಯಾಗಿಲ್ಲ. ಅಲ್ಲದೆ, ಸುತ್ತಲಿನ ವಾತವಾರಣದ ಬಗ್ಗೆ ಪರಿಶೀಲನೆ ಕೈಗೊಳ್ಳದ ಅಧಿಕಾರಿಗಳ ಹಾಗೂ ಇಲಾಖೆ ವಿರುದ್ದ ಕ್ರಮವಹಿಸಲಾಗುವುದು. ತಹಿಸೀಲ್ ಕಚೇರಿ, ಬೆಸ್ಕಾಂ ಇಲಾಖೆಯಲ್ಲಿ ಅಧಿಕಾರಿಗಳು ಮಾಹಿತಿ ಒದಗಿಸಲು ತಡಪಡಿಸುತ್ತಿದ್ದಾರೆ. ಕೆಲ ಜೆಸ್ಕಾಂ ಅಧಿಕಾರಿಗಳು ಕೆಲಸಕ್ಕೆ ಬಾರದೆ ಹಾಜರಾತಿ ಪಡೆದಿದ್ದು, ಅಂತಹವರಿಗೂ ನೋಟಿಸ್ ಜಾರಿ ಮಾಡಲಾಗಿದೆ.
