ಮೊದಲ ಬಾರಿ ತಹಸೀಲ್ದಾರ್ ಭೇಟಿ
ಸುಳಗೇರಿ ಗ್ರಾಮದಲ್ಲಿ ಸರ್ಕಾರಿ ಯೋಜನೆಗಳು ಬಂದು ತಲುಪುವುದೇ ಅಪರೂಪ. ಅಧಿಕಾರಿಗಳಂತೂ ಇಲ್ಲಿಗೆ ಬಂದಿದ್ದೇ ಇಲ್ಲ. ಬಹಳ ವರ್ಷಗಳ ಬಳಿಕ ತಹಸೀಲ್ದಾರ್ ನಮ್ಮ ಗ್ರಾಮಕ್ಕೆ ಭೇಟಿ ನೀಡಿದ್ದಾರೆ. ಸಮಸ್ಯೆ ಆಲಿಸಿದ್ದಾರೆ. ಇದಕ್ಕೆ `ವಿಜಯವಾಣಿ' ಪತ್ರಿಕೆ ಕಾರಣವಾಗಿದೆ. ಪತ್ರಿಕಾ ತಂಡಕ್ಕೆ ಧನ್ಯವಾದಗಳು ಎಂದು ಗ್ರಾಮಸ್ಥರು ಹೇಳಿದ್ದಾರೆ.
ಕಾರವಾರ ತಾಲೂಕಿಗೆ ಸೇರಿಸುವಂತೆ ಮನವಿ
ಸುಳಗೇರಿ ಗ್ರಾಮವನ್ನು ಸಂಪೂರ್ಣವಾಗಿ ಕಾರವಾರ ತಾಲೂಕಿಗೆ ಸೇರಿಸಬೇಕು ಎಂದು ಗ್ರಾಮಸ್ಥರು ಶುಕ್ರವಾರ ತಹಸೀಲ್ದಾರ್ ಅವರಿಗೆ ಮನವಿ ಸಲ್ಲಿಸಿದ್ದಾರೆ.
ಗ್ರಾಮವು ಕಂದಾಯ ನಕ್ಷೆಯಲ್ಲಿ ಜೊಯಿಡಾ ತಾಲೂಕಿನ ಉಳವಿ ಗ್ರಾಪಂಗೆ ಸೇರಿದೆ.ಹಾಗಾಗಿ ಕಂದಾಯ ಇಲಾಖೆಯ ಕಾಗದಪತ್ರ ವ್ಯವಹಾರಗಳಿಗೆ, ಜೊಯಿಡಾ, ಕುಂಬಾರವಾಡಕ್ಕೆ ತೆರಳಬೇಕು. ರೇಶನ್ಗೆ ಉಳವಿಗೆ ತೆರಳಬೇಕಿದೆ. ಉಳವಿಗೆ 68 80 ಕಿಮೀಗೂ ಹೆಚ್ಚು .ಜೊಯಿಡಾಕ್ಕೆ 78 ಕಿಮೀ ದೂರ ಸಾಗಬೇಕಿದೆ. ಶಾಲೆ ಯಲ್ಲಾಪುರ ತಾಲೂಕಿಗೆ ಸೇರಿದೆ. ಯಲ್ಲಾಪುರ ತಾಲೂಕಿನ ಮಲವಳ್ಳಿ ಅಂಚೆ ಕಚೇರಿಯ ವ್ಯಾಪ್ತಿಗೆ ಸುಳಗೇರಿ ಸೇರಿದೆ. ಆದರೆ, ಅಲ್ಲಿಗೂ ವಾಹನ ತೆರಳುವ ರಸ್ತೆ ಇಲ್ಲ. ಕಾಡಿನ ಹಾದಿಲ್ಲಿ 9 ಕಿಮೀ ನಡೆದು, ಎರಡು ಹೊಳೆಗಳನ್ನು ದಾಟಿ ಸಾಗಬೇಕಿದೆ. ವಿದ್ಯುತ್ ಹಾಗೂ ರಸ್ತೆ ಸಂಪರ್ಕ ಕಾರವಾರ ತಾಲೂಕಿನಿಂದ ಇದೆ. ಹಾಗೂ ದೈನಂದಿನ ವ್ಯವಹಾರಗಳಿಗೆ ನಾವು ಕಾರವಾರವನ್ನು ನೆಚ್ಚಿಕೊಂಡಿದ್ದೇವೆ. ಅತಂತ್ರವಾಗಿದ್ದರಿಂದ ಗ್ರಾಮದಲ್ಲಿ ಹಲವು ಸಮಸ್ಯೆಗಳಿವೆ. ಇದರಿಂದ ಗ್ರಾಮದ ಎಲ್ಲ ವ್ಯವಹಾರಗಳನ್ನು ಕಾರವಾರ ತಾಲೂಕಿಗೆ ಸೇರಿಸಬೇಕು ಎಂದು ಅವರು ಅರ್ಜಿ ಸಲ್ಲಿಸಿದ್ದಾರೆ.
