ಪ್ರವಾಸಗಳಿಂದ ಮನಸ್ಸಿಗೆ ಆನಂದ

ಉಡುಪಿ: ಮನುಷ್ಯನ ಆನಂದಕ್ಕೆ ಹಣವೇ ಮುಖ್ಯವಲ್ಲ. ಪ್ರವಾಸಗಳ ಮೂಲಕವೂ ನೆಮ್ಮದಿ ಕಂಡುಕೊಳ್ಳಬಹುದು. ಸಂಶೋಧನಾ ಮನೋಭಾವವಿದ್ದರೆ ಪ್ರವಾಸ ಕಥನದ ಜೊತೆಗೆ ಅಧ್ಯಯನ ಮಾಡಲು ಸಾಧ್ಯ ಎಂದು ನಿವೃತ್ತ ಉಪನ್ಯಾಸಕ ಶ್ರೀಕಾಂತ್​ ರಾವ್​ ಸಿದ್ದಾಪುರ ಹೇಳಿದರು.

ಶನಿವಾರ ಸುಹಾಸಂ ವತಿಯಿಂದ ನಡೆದ ಕಾರ್ಯಕ್ರಮದಲ್ಲಿ ದಿನೇಶ್​ ಉಪ್ಪೂರು ಅವರ ಪ್ರವಾಸ ಕಥನಗಳು ಪುಸ್ತಕ ಬಿಡುಗಡೆಗೊಳಿಸಿ ಅವರು ಮಾತನಾಡಿದರು.

ಇತ್ತೀಚಿನ ದಿನಗಳಲ್ಲಿ ಮನುಷ್ಯರ ಮಧ್ಯೆ ಮಾತುಕತೆ ಕಡಿಮೆಯಾಗುತ್ತದಿದು, ಟಿವಿ, ಮೊಬೈಲ್​ ಗಳಲ್ಲಿ ಮುಳುಗಿರುತ್ತಾರೆ. ಮನಸ್ಸು ಅರಳಲು ಮುಕ್ತ ಮಾತುಕತೆ ಅತೀ ಅಗತ್ಯ. ಬರವಣಿಗೆಯ ಮೂಲಕವೂ ಆನಂದ ಪಡೆಯಬಹುದು. ಯುವ ಪೀಳಿಗೆ ಓದು, ಬರಹ, ಸಂಗೀತ ಮುಂತಾದ ಕಲಾಪ್ರಾಕಾರಗಳಲ್ಲಿ ತೊಡಗಿಸಿಕೊಳ್ಳಬೇಕು ಎಂದರು.

ಸುಹಾಸಂ ಅಧ್ಯಕ್ಷ ಶಾಂತರಾಜ್​ ಐತಾಳ್​ ಅಧ್ಯಕ್ಷತೆ ವಹಿಸಿದ್ದರು. ಅತಿಥಿಗಳಾಗಿ ಸುಹಾಸಂ ಕಾರ್ಯದರ್ಶಿ ಗೋಪಾಲ ಭಟ್​, ಪತ್ರಕರ್ತ ಕೃಷ್ಣಮೂರ್ತಿ ಹೆಬ್ಬಾರ್​, ಲೇಖಕ ದಿನೇಶ್​ ಉಪ್ಪೂರು ಉಪಸ್ಥಿತರಿದ್ದರು. ಸಂಧ್ಯಾ ಶೆಣೈ ನಿರೂಪಿಸಿದರು.