ಕಳೆದ 5 ವರ್ಷಗಳಲ್ಲಿ ರಾಜ್ಯ ಖಜಾನೆಗೆ ಅಬಕಾರಿ ಇಲಾಖೆಯಿಂದ ಸುಮಾರು 1 ಲಕ್ಷ 21 ಸಾವಿರದಾ 158 ಕೋಟಿ ರೂ. ಗಳ ಆದಾಯ ಬಂದಿದೆ. 2018-19 ನೇ ಸಾಲಿನಿಂದ 2022-23ರಲ್ಲಿ 1,02,564 ಕೋಟಿ ರೂ. ಮತ್ತು ಬೀಯರ್ ಮಾರಾಟದಿಂದ 15,071 ಕೋಟಿ ರೂ. ಹಾಗೂ ಸನ್ನದು ಶುಲ್ಕ 3,111 ಕೋಟಿ ರೂ. ಮತ್ತು ಅಬಕಾರಿ ಇಲಾಖೆಯ ಇತರ ಮೂಲಗಳಿಂದ 201 ಕೋಟಿ ರೂ. ಖಜಾನೆಗೆ ಜಮೆಯಾಗಿದೆ ಎಂದು ವಿವರಿಸಿದರು.
ಕಬ್ಬಿನ ಉಪ ಉತ್ಪನ್ನದಿಂದ ಮದ್ಯ ತಯಾರಿಸಲಾಗುತ್ತಿದೆ. ನೆರೆಯ ಮಹಾರಾಷ್ಟದಲ್ಲಿ ಕಬ್ಬಿಗೆ ಹೆಚ್ಚಿನ ದರ ನೀಡುತ್ತಿದ್ದರೂ ಕೂಡಾ ಅಲ್ಲಿ ಮಧ್ಯದ ದರ ನಮ್ಮ ರಾಜ್ಯಕ್ಕಿಂತಲೂ ಕಡಿಮೆ ಇದೆ. ಮಹಾರಾಷ್ಟ್ರದಲ್ಲಿ ವಿವಿಧ ಮದ್ಯದ ಬ್ರಾೃಂಡಗಳು ಕಡಿಮೆ ದರದಲ್ಲಿ ಲಭ್ಯವಾಗುತ್ತಿರುವುದರಿಂದ ರಾಜ್ಯದ ಮದ್ಯಪ್ರಿಯರು ಮಹಾರಾಷ್ಟದಲ್ಲಿ ಹೆಚ್ಚಿನ ಪ್ರಮಾಣದಲ್ಲಿ ಖರೀದಿಸುತ್ತಿದ್ದಾರೆ. ಇದು ರಾಜ್ಯದ ಅಬಕಾರಿ ಆದಾಯದ ಮೇಲೂ ಪರಿಣಾಮ ಬೀರುತ್ತಿದೆ. ಸರ್ಕಾರ ಕೂಡಲೇ ಎಚ್ಚೆತ್ತುಕೊಂಡು ಕಬ್ಬು ಹಾಗೂ ಮದ್ಯಕ್ಕೆ ಯೋಗ್ಯ ಬೆಲೆ ನಿಗಡಿಗೊಳಿಸಬೇಕು ಎಂದು ಒತ್ತಾಯಿಸಿದರು.
