ಅವರು ಅಥಣಿ ತಾಲೂಕಿನ ತಂಗಡಿ, ಶಿನಾಳ ಹಾಗೂ ಮುರಗುಂಡಿ, ಮಸರಗುಪ್ಪಿ ಗ್ರಾಮಗಳಲ್ಲಿ ಗುರುವಾರ ಬಡವರಿಗೆ ಆಹಾರ ಧಾನ್ಯ ವಿತರಿಸಿ ಮಾತನಾಡಿದರು. ಉಪ ಮುಖ್ಯಮಂತ್ರಿ ಲಕ್ಷ್ಮಣ ಸವದಿಯವರ ನೇತೃತ್ವದಲ್ಲಿ 25 ಸಾವಿರ ಬಿಪಿಎಲ್ ಕುಟುಂಬಗಳಿಗೆ 4 ಸಾವಿರ ಕ್ವಿಂಟಾಲ್ ಆಹಾರ ಧಾನ್ಯ ವಿತರಿಸಲಾಗುತ್ತಿದೆ. ಈ ಮೂಲಕ ಮತ್ತೊಮ್ಮೆ ಲಕ್ಷ್ಮಣ ಸವದಿಯವರು ಮಾನವೀಯತೆ ಮೆರೆದಿದ್ದಾರೆ. ಕ್ಷೇತ್ರದ ಜನರ ಕಷ್ಟ ದೂರ ಮಾಡಲು ಲಕ್ಷ್ಮಣ ಸವದಿ ಅವರು ಸತ್ಯಸಂಗಮ ಪ್ರತಿಷ್ಠಾನದ ವತಿಯಿಂದ ಆಹಾರ ಧಾನ್ಯ ವಿತರಿಸುವ ಕೆಲಸ ಮಾಡುತ್ತಿದ್ದಾರೆ. ನಾವು ಪ್ರಚಾರಕ್ಕಾಗಿ ಈ ಕೆಲಸ ಮಾಡುತ್ತಿಲ್ಲ ಎಂದು ಸ್ಪಷ್ಟಪಡಿಸಿದರು. ಕ್ಷೇತ್ರದ ಜನರಿಗೆ ಯಾವುದೇ ಸಮಸ್ಯೆ ಇದ್ದರೂ ಸ್ಪಂದಿಸಲು ಸವದಿ ಕುಟುಂಬ ಸಿದ್ಧವಿದೆ. ಜನರು ಕರೊನಾ ಬರದಂತೆ ಇನ್ನಷ್ಟು ದಿನ ಮನೆಯಲ್ಲಿಯೇ ಇದ್ದು ಲಾಕ್ಡೌನ್ ನಿಯಮ ಪಾಲಿಸಬೇಕು. ನಿಮ್ಮ ಮನೆಯ ಬಾಗಿಲಿಗೆ ಪಡಿತರ ತಲುಪಿಸುವ ಕೆಲಸ ಮಾಡುತ್ತಿದ್ದೇವೆ ಎಂದರು. ಶಿವಕುಮಾರ ಸವದಿ, ಎ.ಎಂ. ಖೋಬ್ರಿ, ಶಿವಾನಂದ ದಿವಾನಮಳ, ಸುಶೀಲಕುಮಾರ ಪತ್ತಾರ, ಶಿವಾನಂದ ನಾಯಿಕ, ಶ್ರೀಶೈಲ ಶೆಲ್ಲೆಪ್ಪಗೋಳ ಇತರರಿದ್ದರು.
