ವಿದ್ಯಾರ್ಥಿಗಳಿಗೆ ಹೊಸ ಆಯಾಮದ ಕಲಿಕೆ ಅಗತ್ಯ

ಕೋಲಾರ: ವಿದ್ಯಾರ್ಥಿಗಳಿಗೆ ಹೊಸ ಆಯಾಮಗಳನ್ನು ಹೊಸ ವ್ಯಕ್ತಿಗಳಿಂದ ಕಲಿಸಿಕೊಡುವ ಪ್ರಯತ್ನವಾಗಿ ಹಮ್ಮಿಕೊಂಡಿರುವ ವಿಶೇಷ ಉಪನ್ಯಾಸ ಮಾಲಿಕೆಯ ಪ್ರಯೋಜನ ಪಡೆಯಬೇಕು. ಕನ್ನಡ ನಾಡು, ನುಡಿಗೆ ಕೊಡುಗೆ ನೀಡಿದ ಮಾಸ್ತಿ ವೆಂಕಟೇಶ್​ ಅಯ್ಯಂಗಾರ್​, ಡಿ.ವಿ.ಗುಂಡಪ್ಪ ಅಂತಹ ಮಹನೀಯರ ಪರಿಚಯ ಪ್ರತಿಯೊಬ್ಬರಿಗೂ ಇರಬೇಕು ಎಂದು ಕಥೆಗಾರ ವಸುಧೇಂದ್ರ ಹೇಳಿದರು.

ನಗರ ಹೊರವಲಯದ ಬೆಂಗಳೂರು ಉತ್ತರ ವಿವಿಯ ಮಂಗಸಸಂದ್ರದ ಸ್ನಾತಕೋತ್ತರ ಕೇಂದ್ರದಲ್ಲಿ ಸೋಮವಾರ ಆಯೋಜಿಸಿದ್ದ ವಿಶೇಷ ಉಪನ್ಯಾಸ ಮಾಲಿಕೆಯಲ್ಲಿ ಮಾತನಾಡಿದ ಅವರು, ಕಥೆಗಳು ಎಲ್ಲೆಲ್ಲೂ ಇರುತ್ತವೆ. ಆದರೆ, ಅವನ್ನು ನೋಡುವ ಕಣ್ಣುಗಳು ಬೇಕು. ಜೀವನದಲ್ಲಿ ಕುತೂಹಲವಿದ್ದರೆ ಕಥೆಗಳು ತಾನಾಗಿಯೇ ಹೊಳೆಯುತ್ತವೆ ಎಂದರು.

ಒಂಟಿಯಾಗಿದ್ದೇನೆ ಎಂದು ಅರಿವಾದಾಗ ಏನನ್ನಾದರೂ ಮಾಡಲು ಹುಡುಕಿದೆ. ಆಗ ಓದುವುದು ಮಾತ್ರ ನನ್ನ ಮುಂದಿತ್ತು. ನಾನು ಬಾಲ್ಯದಲ್ಲಿ ಹೊಟ್ಟೆಬಾಕತನದ ಓದುಗನಾಗಿದ್ದೆ. ಆದ್ದರಿಂದ ನಾನು ಕಥೆಗಳನ್ನು ಬರೆಯಲು ಪ್ರಯತ್ನಿಸಿದೆ ಮತ್ತು ಅವುಗಳನ್ನು ಇತರ ಕನ್ನಡ ಬರಹಗಾರರಿಗೆ ಕಳುಹಿಸಲು ಪ್ರಾರಂಭಿಸಿದೆ. ಕುತೂಹಲಕಾರಿಯಾಗಿ, ನನ್ನ ಮೊದಲ ಕಥೆಗೆ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಯಿತು. ಇದು ನನ್ನನ್ನು ಗುಣಪಡಿಸಲು ಕಥೆಗಾರನನ್ನಾಗಿಸಿತು ಎಂದರು.

ತೆಲುಗಿನಿಂದ ಕನ್ನಡಕ್ಕೆ ಅನುವಾದಿಸುವುದು ತುಂಬಾ ಸುಲಭ. ಅವು ದ್ರಾವಿಡ ಭಾಷೆಗಳು, ಆದ್ದರಿಂದ ನೀವು ಗಾದೆಗಳಿಗೆ ಉಲ್ಲೇಖಗಳನ್ನು ಸಹ ಹೊಂದಿದ್ದೀರಿ. ಆದರೆ ಇಂಗ್ಲಿಷ್​ ಹಾಗಲ್ಲ. ಸಂಸತಿ ಮತ್ತು ಭಾಷೆ ವಿಭಿನ್ನವಾಗಿವೆ. ಕನ್ನಡಕ್ಕೆ ಅನುವಾದಿಸಲು ಸಾಧ್ಯವಾಗದ ಹಲವು ಪದಗಳಿವೆ. ಆದ್ದರಿಂದ ಅದು ಅತ್ಯಂತ ಸವಾಲಿನದ್ದಾಗಿದೆ. ಕಥೆ ಆಕರ್ಷಕವಾಗಿರಬೇಕು. ಮತ್ತೊಬ್ಬರನ್ನು ಮಂತ್ರಮುಗ್ದರನ್ನಾಗಿಸಬೇಕು ಎಂದರು.

31ರವರೆಗೂ ವಿಶೇಷ ಉಪನ್ಯಾಸ

ಉತ್ತರ ವಿವಿ ಉಪನ್ಯಾಸ ಮಾಲಿಕೆಯ ಮೂಲಕ ದಾಪುಗಾಲು ಇಡುತ್ತಿದೆ. ಸದ್ಯದಲ್ಲಿಯೇ ವಿವಿಯಿಂದ ಪ್ರಸಾರಾಂಗವನ್ನು ಸ್ಥಾಪಿಸುವ ಮೂಲಕ ಮೊರಸುನಾಡು ಕನ್ನಡ ಎಂಬ ಶಬ್ದಕೋಶ ಪ್ರಕಟಿಸಲಾಗುತ್ತದೆ. ಮೊದಲ ಹಂತದಲ್ಲಿ ಮೇ 31 ರವರೆಗೂ ವಿಶೇಷ ಉಪನ್ಯಾಸ ಏರ್ಪಡಿಸಿದ್ದು, ವಿದ್ಯಾರ್ಥಿಗಳು ಪಾಲ್ಗೊಳ್ಳುವ ಮೂಲಕ ಜ್ಞಾನ ವೃದ್ಧಿಸಿಕೊಳ್ಳಬೇಕು ಎಂದು ಬೆಂಗಳೂರು ಉತ್ತರ ವಿವಿ ಕುಲಪತಿ ಪ್ರೊ.ನಿರಂಜನ ವಾನಳ್ಳಿ ತಿಳಿಸಿದರು.