ಗದಗ ಕಡೆ ಹೋಗಲು ಬೆಳಗಿನ ವೇಳೆ ಬಸ್ ಸೌಲಭ್ಯ ಕಡಿಮೆ ಇರುವುದರಿಂದ ಶಾಲೆ, ಕಾಲೇಜು ವಿದ್ಯಾರ್ಥಿಗಳಿಗೆ, ಸರ್ಕಾರಿ ನೌಕರರಿಗೆ ಹಾಗೂ ಪ್ರಯಾಣಕರಿಗೆ ತೀವ್ರ ತೊಂದರೆ ಅಗುತ್ತಿದೆ. ಪ್ರತಿದಿನ ಬಸ್ ಕೈಕೊಡುವುದರಿಂದ ಕಾಲೇಜ್ಗೆ ತಡವಾಗಿ ಹೋಗುವಂತಾಗಿದೆ. ಅಲ್ಲದೆ, ಬೇರೆ ಬೇರೆ ಡಿಪೋಗಳಿಂದ ಬರುವ ಬಸ್ಗಳು ತುಂಬಿಕೊಂಡು ಬರುತ್ತವೆ. ಅದರಲ್ಲಿ ವಿದ್ಯಾರ್ಥಿನಿಯರು ತೆರಳಲು ಪರದಾಡುವಂತಾಗಿದೆ. ಬೆಳಗ್ಗೆ ಬಸ್ ಸೌಲಭ್ಯ ಹೆಚ್ಚಿಸುವಂತೆ ಅನೇಕ ಬಾರಿ ಮನವಿ ಮಾಡಲಾಗಿದೆ. ಆದರೆ, ಸಾರಿಗೆ ಇಲಾಖೆ ಅಧಿಕಾರಿಗಳು ಕ್ಯಾರೇ ಅನ್ನುತ್ತಿಲ್ಲ ಎಂದು ಪ್ರತಿಭಟನೆ ನೇತೃತ್ವ ವಹಿಸಿದ್ದ ಎಬಿವಿಪಿ ಕಾರ್ಯಕರ್ತ ಮಹಾಂತೇಶ ಮಣಕವಾಡ ಆಕ್ರೋಶ ವ್ಯಕ್ತಪಡಿಸಿದರು.
