ಪ್ರವಾಸಿ ಮಂದಿರದಲ್ಲಿ ಭಾನುವಾರ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ರಸ್ತೆ ವಿಸ್ತರಣೆಗಾಗಿ ಕಳೆದ 15 ವರ್ಷಗಳಿಂದ ಹೋರಾಟ ಸಮಿತಿ ಹಾಗೂ ಸಂಘ, ಸಂಸ್ಥೆಗಳು ಹೋರಾಟ ನಡೆಸುತ್ತಿವೆ. ಆದರೆ, ಜೂ. 6ರಂದು ಶಾಸಕ ಬಸವರಾಜ ಶಿವಣ್ಣನವರ, ಮಾಜಿ ಶಾಸಕ ಸುರೇಶಗೌಡ್ರ ಪಾಟೀಲರ ನೇತೃತ್ವದಲ್ಲಿ ರಸ್ತೆ ಜಾಗದ ಮಾಲೀಕರ ಸಭೆ ಏರ್ಪಡಿಸಿರುವುದು ಕಾಯ್ದೆಬದ್ಧವಲ್ಲ. ಭೂಸ್ವಾಧೀನ ಪ್ರಕ್ರಿಯೆಗೆ ಸಭೆ ನಡೆಸಬೇಕಿರುವುದು ಉಪವಿಭಾಗಾಧಿಕಾರಿಗಳೇ ಹೊರತು, ಸ್ಥಳೀಯ ಅಧಿಕಾರಿಗಳಲ್ಲ. ಆಸ್ತಿ ಮಾಲೀಕರಿಗೆ ತೊಂದರೆ ಆಗಬಾರದೆನ್ನುವ ಉದ್ದೇಶದಿಂದ ಅಳತೆ ಕಡಿಮೆ ಮಾಡಲಾಗುತ್ತಿದೆ. ಮೂಲ ಅಳತೆಗಿಂತ ಒಂದಿಂಚು ಕಡಿಮೆಮಾಡಲು ಬಿಡುವುದಿಲ್ಲ. ನಿರ್ಲಕ್ಷ್ಯ ಮಾಡಿದರೆ ನ್ಯಾಯಾಲಯ ಮೊರೆ ಹೋಗಲಾಗುವುದು ಎಂದರು.
