ಮಂದಿರಗಳಲ್ಲಿ ಪೂಜೆ: ದತ್ತಾತ್ರೇಯ ಹೊಸಬಾಳೆ ಅವರು ಶ್ರೀ ಮಹಾಗಣಪತಿಗೆ ಪೂಜೆ ಸಲ್ಲಿಸಿ, ಬಳಿಕ ಶ್ರೀ ಮಹಾಬಲೇಶ್ವರ ಮಂದಿರದಲ್ಲಿ ಆತ್ಮಲಿಂಗಕ್ಕೆ ಪಂಚಾಮೃತ ಮತ್ತು ನವಧಾನ್ಯ ಸಹಿತವಾದ ರುದ್ರಾಭಿಷೇಕ ಸಲ್ಲಿಸಿದರು. ಪೂಜೆಯ ತರುವಾಯ ಶ್ರೀಮಹಾಬಲೇಶ್ವರ ನಾಗಾಭರಣಕ್ಕೆ ಮಹಾಮಂಗಳಾರತಿ ಮತ್ತು ಪ್ರಾರ್ಥನೆ ಸಮರ್ಪಿಸಿದರು. ಮಂದಿರದ ಪ್ರಧಾನ ಅರ್ಚಕರಾದ ವೇ. ಗಣಪತಿ ಗಜಾನನ ಭಟ್ಟ ಹಿರೇ, ವೇ. ಶ್ರೀನಿವಾಸ ಅಡಿ ಮತ್ತು ಅರ್ಚಕ ಉಪಾಧಿವಂತರು ಪೂಜೆ ನಿರ್ವಹಿಸಿದರು. ಮಂದಿರ ಸಮಿತಿಯ ವೇ. ಸುಬ್ರಹ್ಮಣ್ಯ ಅಡಿ, ಮಹೇಶ ಹಿರೇಗಂಗೆ, ಕ್ಷೇತ್ರ ಪುರೋಹಿತ ವೇ.ಶಂಕರ ಗಣೇಶ ಜೋಶಿ, ವೇ.ಪಶುಪತಿ ಅಡಿ, ವೇ.ಗಣೇಶ ಜೋಗಳೇಕರ, ವೇ.ಶಿವರಾಮ ವಿನಾಯಕ ಅಡಿ, ಬಿಜೆಪಿಯ ಕುಮಾರ ಮಾರ್ಕಾಂಡೆ, ಇತರರಿದ್ದರು.
