ಬೈಲಹೊಂಗಲ ತಾಲೂಕಿನ ಬೆಳವಡಿಯಲ್ಲಿ ಸುಮಾರು 49 ಎಕರೆ ಜಾಗ ಗುರುತಿಸಿ ಕೈಬಿಡಲಾಗಿದೆ ಹೊರತು ಈವರೆಗೂ ಎಸ್ಡಿಆರ್ಎಫ್ಗೆ ಸ್ವಂತ ಕಟ್ಟಡ ಭಾಗ್ಯ ದೊರೆತಿಲ್ಲ. ಅಂದಿನ ರಾಜ್ಯ ಸರ್ಕಾರ ಬೆಳಗಾವಿ ಎಸ್ಡಿಆರ್ಎಫ್ಗೆ 300 ಕೋಟಿ ರೂ. ವೆಚ್ಚದ ಯೋಜನೆ ರೂಪಿಸಿದ್ದರು. ಈ ಪೈಕಿ ಕಟ್ಟಡ, ಸಿಬ್ಬಂದಿಗೆ ತರಬೇತಿ ನೀಡುವುದಕ್ಕೆ ಮೈದಾನ, ಎಲ್ಲ ಸಿಬ್ಬಂದಿಗೂ ತಂಗುವುದಕ್ಕೆ ವಸತಿ ಸೌಲಭ್ಯ ಕಲ್ಪಿಸುವ ಯೋಜನೆ ರೂಪಿಸಿ, ಪ್ರಸ್ತಾವನೆ ಸಲ್ಲಿಸಲಾಗಿತ್ತು. ಆದರೆ ಈವರೆಗೂ ಕಟ್ಟಡ ಕಟ್ಟುವ ಸೌಭಾಗ್ಯ ಒದಗಿ ಬಂದಿಲ್ಲ. ಹೀಗಾಗಿ ಗೋವಾವೇಸ್ ಬಳಿಯ ಅಗ್ನಿಶಾಮಕ ಠಾಣೆಯ ಆವರಣದಲ್ಲೇ ಎಸ್ಡಿಆರ್ಎಫ್ಗೆ ಎರಡು ಸಣ್ಣ ಕೊಠಡಿಗಳನ್ನೇ ಹಾಕಿಕೊಡಲಾಗಿದೆ. ಇವೇ ಕೊಠಡಿಗಲೇ ಎಸ್ಡಿಆರ್ಎಫ್ ಕಚೇರಿಗಳಾಗಿವೆ.
