ಬಾಲಕಿ ಗುರುವಾರ ಬೆಳಗ್ಗೆ ಸುಂದರಪಾಳ್ಯದ ಸರ್ಕಾರಿ ಪದವಿಪೂರ್ವ ಕಾಲೇಜು ಆವರಣದಲ್ಲಿ ಪರೀಕ್ಷೆ ಬರೆಯಲು ಹೋಗಬೇಕಿತ್ತು. ಆದರೆ ಬುಧವಾರ ಬಾಲಕಿಗೆ ಸೋಂಕು ಧೃಡಪಟ್ಟಿದೆ. ಬೇತಮಂಗಲ ಠಾಣಾ ವ್ಯಾಪ್ತಿಯ ಗ್ರಾಮವೊಂದರ ಬಾಲಕಿಗೆ ಆಂಧ್ರ ಮೂಲದ 22 ವರ್ಷದ ಸುರೇಶ್ ಜತೆ ಜೂ.15ರಂದು ತಾತೇನಹಳ್ಳಿಯ ದೇವಾಲಯವೊಂದರಲ್ಲಿ ಮದುವೆ ಮಾಡಲಾಗಿತ್ತು. ಈ ಬಗ್ಗೆ ಮಾಹಿತಿ ಪಡೆದ ಮಹಿಳಾ ಮತ್ತು ಶಿಶು ಅಭಿವೃದ್ಧಿ ಯೋಜನಾಧಿಕಾರಿ ನಾಗರತ್ನಮ್ಮ, ಮಹಿಳಾ ಸಾಂತ್ವನ ಕೇಂದ್ರದ ಕಾರ್ಯದರ್ಶಿ ಡಾ.ಗೋಪಾಲ್, ಆಪ್ತಸಮಾಲೋಚಕಿ ಪವಿತ್ರಾ ಇತರರು ಬಾಲ್ಯವಿವಾಹ ಖಚಿತಪಡಿಸಿಕೊಂಡು ಬೇತಮಂಗಲ ಠಾಣೆಯಲ್ಲಿ ದೂರು ನೀಡಿದ್ದರು. ಈ ಸಂಬಂಧ ಬಾಲಕಿ ವಿಚಾರಣೆ ನಂತರ ವೈದ್ಯಕೀಯ ಪರೀಕ್ಷೆ ಮತ್ತು ಕೋವಿಡ್-19 ಪರೀಕ್ಷೆ ನಡೆಸಿ 4 ದಿನಗಳ ಹಿಂದೆ ಕೆಜಿಎಫ್ ಬಾಲಮಂದಿರಕ್ಕೆ ಕಳುಹಿಸಿದ್ದರು. ಬುಧವಾರದ ವರದಿಯಲ್ಲಿ ಕರೊನಾ ದೃಢಪಟ್ಟಿದೆ.
