ಬೆಳಗ್ಗೆ ಅರ್ಚಕ ಸದಾನಂದ ಹಿರೇಮಠ ನೇತೃತ್ವದಲ್ಲಿ ರಾಮಲಿಂಗೇಶ್ವರ ಮೂರ್ತಿಗೆ ರುದ್ರಾಭಿಷೇಕ, ಬಿಲ್ವಾರ್ಚನೆ ಸೇರಿದಂತೆ ವಿವಿಧ ಧಾರ್ಮಿಕ ಕಾರ್ಯಕ್ರಮಗಳು ನೆರವೇರಿದವು. ಹಳೇಪೇಟೆಯ ರಾಮಲಿಂಗೇಶ್ವರ ದೇವಸ್ಥಾನದಿಂದ ಕಳಸ ಹಾಗೂ ಕುಂಬಾರಪೇಟೆ ಬಸವೇಶ್ವರ ದೇವಸ್ಥಾನದಿಂದ 501 ಪೂರ್ಣಕುಂಭಗಳ ಮೆರವಣಿಗೆ ನಡೆಸಲಾಯಿತು. ಆಮದಿಹಾಳದ ಲಂಕೆಪ್ಪ ಭಜಂತ್ರಿ ಅವರ ಕಣಿ ಹಲಗೆ ಮೇಳದ ವಾದ್ಯ, ಎಸ್ವಿಎಂ ಪ್ರೌಢಶಾಲೆಯ ಬ್ಯಾಂಜೋ ಪ್ರದರ್ಶನ ಹಾಗೂ ಮೇಗಳಪೇಟೆ, ಕನ್ನಾಪುರ ಹಟ್ಟಿಯ ಡೊಳ್ಳು ಕುಣಿತ ನೋಡುಗರ ಗಮನ ಸೆಳೆಯಿತು. ಪ್ರಮುಖರಾದ ಚಂದ್ರಶೇಖರ ಗಂಗಾವತಿ, ವೀರಭದ್ರಪ್ಪ ಗುಡೂರು, ಶರಣಪ್ಪ ಸಜ್ಜನ್, ಅಮರೇಶ ಅಂಗಡಿ, ಶರಣಪ್ಪ ಚಿತ್ರನಾಳ, ಮಲ್ಲಪ್ಪ ಮಾಟೂರು, ವೀರೇಶ ಖೇಣೇದ, ಶಂಭುಲಿಂಗಪ್ಪ ಸುಂಕದ ಇತರರಿದ್ದರು.
