ಜಾನುವಾರು ಜಾತ್ರೆ: ಜಾತ್ರಾ ಮಹೋತ್ಸವದ ಅಂಗವಾಗಿ ದೇವಾಲಯದ ಜಾತ್ರಾಮಾಳದಲ್ಲಿ 100ಕ್ಕೂ ಹೆಚ್ಚು ವಿವಿಧ ಜಾತಿಯ ರಾಸುಗಳನ್ನು ರೈತರು ತಂದಿದ್ದರು. ಜಾನುವಾರುಗಳ ಮಾರಾಟವೂ ಜೋರಾಗಿಯೇ ನಡೆಯಿತು. ಆಂಜನೇಯಸ್ವಾಮಿಯ ಜಾತ್ರೆಯಲ್ಲಿ ಕಡ್ಲೆಪುರಿ ವ್ಯಾಪಾರ ಭರಾಟೆ ಕಂಡು ಬಂತು. ಮಹಿಳೆಯರು ಮಕ್ಕಳೊಂದಿಗೆ ಆಟಿಕೆ ಮತ್ತು ಕಡ್ಲೆಪುರಿ ಖರೀದಿಸಿದರು. ಹುಣಸೂರಿನ ಆಂಜನೇಯಸ್ವಾಮಿ ಮಿತ್ರಬಳಗದ ವತಿಯಿಂದ 10 ಸಾವಿರಕ್ಕೂ ಹೆಚ್ಚು ಭಕ್ತರಿಗೆ ಅನ್ನಸಂತರ್ಪಣೆ ಮಾಡಲಾಯಿತು. ದೇವಾಲಯ ಟ್ರಸ್ಟ್ ಅಧ್ಯಕ್ಷ ಲಕ್ಷ್ಮೀನಾರಾಯಣ, ಟ್ರಸ್ಟಿಗಳಾದ ಎಚ್.ಜಿ.ನಾರಾಯಣ, ಉಮೇಶ್, ಹೇಮಲತಾ ಇತರರು ಭಾಗವಹಿಸಿದ್ದರು. ಶಾಸಕ ಜಿ.ಡಿ.ಹರೀಶ್ಗೌಡ, ಮಾಜಿ ಶಾಸಕ ಎಚ್.ಪಿ.ಮಂಜುನಾಥ್ ಭೇಟಿ ನೀಡಿ ದೇವರ ದರ್ಶನ ಪಡೆದರು. ಜ.29ರಂದು ಬೆಳಗ್ಗೆ 10ಗಂಟೆಗೆ ತೆಪ್ಪೋತ್ಸವ ಜರುಗಲಿದ್ದು, ಇದರೊಂದಿಗೆ ಜಾತ್ರಾ ಮಹೋತ್ಸವ ಸಮಾಪ್ತಿಯಾಗಲಿದೆ.
