ಬೆಳಗ್ಗೆ 8ಕ್ಕೆ ಮಂಗಳವಾದ್ಯ, ಗುರುಗಣಪತಿ ಪ್ರಾರ್ಥನೆ, ಶ್ರೀ ಲಕ್ಷ್ಮೀಕಾಂತಸ್ವಾಮಿಯ ಆನುಜ್ಞೆಯೊಂದಿಗೆ ಮಹಾಮಂಗಳಾರತಿ, ತೀರ್ಥಸಂಗ್ರಹಣ, ಯಾಗಶಾಲಾಪ್ರವೇಶ, ಕಾಲಭೈರವೇಶ್ವರ ಹಾಗೂ ಪರಿವಾರ ದೇವತೆಗಳ ಹೋಮಗಳು, ಮಹಾಪೂರ್ಣಾಹುತಿ, ಅಷ್ಟಾವಧಾನ ಸೇವೆ ನಡೆಯಲಿದೆ. ಸಂಜೆ 5ಕ್ಕೆ ಗಣಪತಿಪೂಜೆ, ಅಂಕುರಾರ್ಪಣೆ, ಶ್ರೀಗುರುಗಳ ಆಗಮನ, ಯಾಗಶಾಲಾ ಪ್ರವೇಶ, ಅಧ್ಯಾಯ ಹೋಮ, ಗಜಪೂಜೆ, ಅಶ್ವಪೂಜೆ ಮುಂತಾದ ಧಾರ್ಮಿಕ ಕಾರ್ಯಕ್ರಮಗಳು ನಡೆಯಲಿವೆ. ಸೆ.11ರಂದು ಬೆಳಗ್ಗೆ 6ಕ್ಕೆ ಸಪ್ತಶತಿ ನಾರಾಯಣ, ಮಹಾಗಣಪತಿ ಪೂಜೆ, ಸಂಕಲ್ಪ, ವೇದಿಕಾರ್ಚನೆ, ಅಗ್ನಿಕಾರ್ಯ, ನವಚಂಡಿಕಾ ಮಹಾಯಾಗ ಅಧ್ಯಾಯಹೋಮ ನಡೆಯಲಿದೆ ಎಂದರು. ಸುದ್ದಿಗೋಷ್ಠಿಯಲ್ಲಿ ಆದಿಚುಂಚನಗಿರಿ ಮೈಸೂರು ಶಾಖಾ ಮಠದ ಶ್ರೀ ಸೋಮೇಶ್ವರನಾಥ ಸ್ವಾಮೀಜಿ ಇದ್ದರು.
