`ಸಂಚಾರ ಸಂಕ್ರಾಂತಿ ರಂಗೋಲಿ ಸಂಪ್ರೀತಿ' ಎಂಬ ಘೋಷವಾಕ್ಯದಂತೆ ರಂಗೋಲಿ ಸ್ಪರ್ಧೆಯಲ್ಲಿ ಮಹಿಳಾ ಪೊಲೀಸ್ ಪೇದೆಗಳು, ಸಂಚಾರಿ ನಿಯಮಗಳ ಕುರಿತು ಅನಾವರಣಗೊಳಿಸಿದ್ದ ರಂಗೋಲಿ ಹೆಚ್ಚು ಗಮನ ಸೆಳೆಯಿತು. ಮಹಿಳಾ ಪೊಲೀಸರಾದ ಹೆಚ್.ಎಂ.ಸುಜಾತಾ ಸೇರಿ ಹಲವರು ಈ ರಂಗೋಲಿಯನ್ನು ಬಿಡಿಸಿದ್ದರು. ರಂಗೋಲಿಯಲ್ಲಿ ವಾಹನ, ಸಂಚಾರಿ ನಿಯಮಗಳ ಚಿಹ್ನೆಗಳನ್ನು ಬಿಡಿಸಿ, ಸೀಟ್ ಬೆಲ್ಟ್ ಹಾಕಿಕೊಂಡು ವಾಹನ ಚಲಾಯಿಸಿ, ಹೆಲ್ಮೆಟ್ ಧರಿಸಿ, ನೋ ಪಾರ್ಕಿಂಗ್, ಬಾಟಲ್ಗಳನ್ನು ಬಿಡಿಸಿ, ಮದ್ಯಸೇವಿಸಿ ವಾಹನ ಚಲಾಯಿಸಬೇಡಿ ಎಂದು ಬರೆಯುವ ಮೂಲಕ ಸಂಚಾರಿ ನಿಯಮಗಳ ಕುರಿತು ಜಾಗೃತಿ ಮೂಡಿಸಿದ್ದು ಗಮನ ಸೆಳೆಯಿತು. ಇವುಗಳೊಂದಿಗೆ ಮಹಿಳೆಯೊಬ್ಬರು ರಂಗೋಲಿಯಲ್ಲೇ ದೇವಿ ಮೂರ್ತಿಯನ್ನು ಬಿಡಿಸಿ, ರಾಜ್ಯ ಸರ್ಕಾರದ ಮಹಾತ್ವಕಾಂಕ್ಷೆಯ ಐದು ಗ್ಯಾರೆಂಟಿ ಯೋಜನೆಗಳನ ಹೆಸರುಗಳನ್ನು ಬರೆಯುವ ಮೂಲಕ ಗಮನ ಸಳೆದರು. ಇನ್ನುಳಿದ ತ್ರಿಡಿ ರಂಗೋಲಿ, ಚುಕ್ಕೆ ರಂಗೋಲಿ, ಸಂಕ್ರಾAತಿ ಹಬ್ಬದಲ್ಲಿ ಹೆಚ್ಚು ಕಂಡುಬಂರುವ ಸಾಂಪ್ರದಾಯಿ ಬಣ್ಣ ಬಣ್ಣದ ಸಾಂಪ್ರದಾಯಿಕ ರಂಗೋಲಿಗಳು ಹೆಚ್ಚು ಕಂಡುಬಂದವು.
