ವಿಶೇಷ ಉಪನ್ಯಾಸ ಇಂದು

ವಿಜಯವಾಣಿ ಸುದ್ದಿಜಾಲ ಧಾರವಾಡ

ಕರ್ನಾಟಕ ಜಾನಪದ ಅಕಾಡೆಮಿ, ಕರ್ನಾಟಕ ವಿದ್ಯಾವರ್ಧಕ ಸಂಘದ ಆಶ್ರಯದಲ್ಲಿ ಫೆ. 27ರದು ಬೆಳಗ್ಗೆ 10.30ಕ್ಕೆ ಡಾ. ಪಾಟೀಲ ಪುಟ್ಟಪ್ಪ ಸಭಾಭವನದಲ್ಲಿ ಬಿದಿರು ನಾನಾರಿಗಲ್ಲದವಳು ಜಾನಪದ: ಹೊಸ ತಲೆಮಾರಿನ ಸ್ಪಂದನ ವಿಶೇಷ ಉಪನ್ಯಾಸ ಮತ್ತು ಕಲಾ ಪ್ರದರ್ಶನ ಏರ್ಪಡಿಸಿದೆ.

ಗುಲ್ಬರ್ಗಾ ವಿವಿ ಕನ್ನಡ ಅಧ್ಯಯನ ಸಂಸ್ಥೆ ನಿರ್ದೇಶಕ ಪ್ರೊ. ಎಚ್​.ಟಿ. ಪೋತೆ ಕಾರ್ಯಕ್ರಮ ಉದ್ಘಾಟಿಸುವರು. ಪ್ರೊ. ವಿ.ಎಲ್​. ಪಾಟೀಲ ಅವರು ಜಾನಪದ : ಹೊಸ ತಲೆಮಾರಿನ ಸ್ಪಂದನ ಉಪನ್ಯಾಸ ನೀಡುವರು. ಅತಿಥಿಗಳಾಗಿ ಕೆ.ಎಚ್​. ಚನ್ನೂರ, ಕುಮಾರ ಬೆಕ್ಕೇರಿ, ಎನ್​.ನಮ್ರತ, ಡಾ. ಶ್ರೀಶೈಲ ನಾಗರಾಳ ಆಗಮಿಸುವರು. ವಿಶ್ವೇಶ್ವರಿ ಹಿರೇಮಠ ಉಪಸ್ಥಿತರಿರುವರು. ಗೊಲ್ಲಹಳ್ಳಿ ಶಿವಪ್ರಸಾದ ಅಧ್ಯಕ್ಷತೆ ವಹಿಸುವರು. ನಂತರ ವಿವಿಧ ಕಲಾ ತಂಡಗಳಿಂದ ಜಾನಪದ ಕಾರ್ಯಕ್ರಮಗಳು ನಡೆಯಲಿವೆ ಎಂದು ಪ್ರಕಟಣೆ ತಿಳಿಸಿದೆ.