ಬಲಿ ಚಕ್ರವರ್ತಿಗೆ ಕರಾವಳಿ ಕೃಷಿಕರಿಂದ ವಿಶಿಷ್ಟ ಪೂಜೆ

ಕರಾವಳಿಯ ರೈತರಿಂದ ವಿಶಿಷ್ಟ ಆಚರಣೆ

ಗದ್ದೆಯಲ್ಲಿ ನಾರುಕೋಲಿನ ದೀಪವಿಟ್ಟು ಪ್ರಾರ್ಥನೆ

ಪ್ರಶಾಂತ ಭಾಗ್ವತ ಉಡುಪಿ

ಬೆಳಕಿನ ಹಬ್ಬ ದೀಪಾವಳಿಯೆಂದರೆ ಇತರೆಲ್ಲ ಹಬ್ಬಗಳಿಗಿಂತಲೂ ವಿಶಿಷ್ಟ ಹಾಗೂ ವಿಭಿನ್ನ. ದೇಶದ ವಿವಿಧ ಭಾಗಗಳಲ್ಲಿ ದೀಪಾವಳಿಯು ಪ್ರಾದೇಶಿಕವಾಗಿಯೂ ಸಹ ಬೇರೆ ಬೇರೆ ರೀತಿಯಲ್ಲಿ ಆಚರಣೆಗೊಳ್ಳುತ್ತವೆ.

ರಾಜ್ಯದ ಕರಾವಳಿ ಭಾಗವಾದ ಉಡುಪಿ ಜಿಲ್ಲೆಯಲ್ಲೂ ಸಹ ಕೃಷಿಕರು ದೀಪಾವಳಿ ಹಬ್ಬವನ್ನು ಸಾಂಪ್ರದಾಯಿಕವಾಗಿ ಆಚರಿಸುತ್ತಾರೆ. ಈ ಭಾಗದ ರೈತರು ಗದ್ದೆಗೆ ಹೋಗಿ ಭತ್ತದ ಹೊಸ ಫಸಲನ್ನು ಮನೆಗೆ ತಂದು ಸಂಭ್ರಮಿಸುವುದಲ್ಲದೆ, ಬಲೀಂದ್ರನನ್ನು ಕರೆದು ಪೂಜಿಸುತ್ತಾರೆ.

ಬಲೀಂದ್ರನಿಗೆ ಆಹ್ವಾನ

ದೀಪಾವಳಿಯ ಎರಡನೇಯ ದಿನ ತಮ್ಮಗದ್ದೆಗಳಿಗೆ ಹೋಗಿ ಭತ್ತದ ತೆನೆಗಳಿಗೆ ಪೂಜಿಸುತ್ತಾರೆ. ಭೂಮಿಗೂ (ಭೂದೇವಿ) ಸಹ ಮಂಗಳಾರತಿ ಮಾಡುತ್ತಾರೆ. ಬಳಿಕ, ಕರಾವಳಿ ಭಾಗವನ್ನು ಆಳಿದ ಅರಸನೂ ಆಗಿದ್ದ ಎಂಬ ನಂಬಿಕೆಯಿಂದ ಪಾತಾಳದಲ್ಲಿರುವ ಬಲೀಂದ್ರನನ್ನು ಹೊಗಳಿ ಮೇಲೆ ಬರುವಂತೆ ಕರೆಯುತ್ತಾರೆ. ತಮ್ಮದೇ ಭಾಷೆಯಲ್ಲಿ ಹೊಲಿ ಕೊಟ್ರೋ, ಬಲಿ ತಗಂಡ್ರೋ, ಬಲಿನ್​ ದೇವರ್​ ತಮ್ಮ್​ ರಾಜ್ಯಕ್ಕೆ ತಾವೇ ಬಂದ್ರೋ, ಬಲಿಯೇ ಬಾ... ಕೂ ಕೂ ಕೂ ಎಂದು ಪ್ರಾರ್ಥಿಸುತ್ತಾರೆ.

ನಾರುಕೋಲಿನಿಂದ ತಯಾರಿಸಿದ ದೀಪ

ಕೃಷ್ಣನ ಸಾನ್ನಿಧ್ಯದಲ್ಲಿ ವಿಶೇಷ ಪೂಜೆ