ಸರ್ ಎಂ ವಿಶ್ವೇಶ್ವರಯ್ಯನವರು ಮೈಸೂರು ಸಂಸ್ಥಾನದ ಏಳನೇ ದಿವಾನರಾಗಿ 1912ನೇ ನವೆಂಬರ್ 10 ನೇ ತಾರೀಖಿನಂದು ಅಧಿಕಾರವಹಿಸಿಕೊಂಡರು. ಸುಮಾರು 6 ವರ್ಷಗಳಕಾಲ ಆಡಳಿತ ನಡೆಸಿ 09-12-1918 ರಲ್ಲಿ ದಿವಾನರ ಪದವಿಗೆ ರಾಜಿನಾಮೆ ನೀಡಿದರು. ವಿಶ್ವೇಶ್ವರಯ್ಯನವರನ್ನು ಪ್ರಪ್ರಥಮ ಭಾರತೀಯ ದಿವಾನರು ಎನ್ನಬಹುದು. ಏಕೆಂದರೆ ಹಿಂದಿನ ದಿವಾನರುಗಳಂತೆ ಸರ್.ಎಂ.ವಿ ಅವರು ಬ್ರಿಟಿಷ್ ಕಮಿಷನರುಗಳ ಆಶ್ರಯದಲ್ಲಿ ಬೆಳೆದು ಬಂದವರಾಗಿರಲಿಲ್ಲ ಅಥವಾ ಯಾರ ಶಿಫಾರಸ್ಸಿನ ಮೇಲೂ ದಿವಾನ್ ಪದವಿಗಳಿಸಿರಲಿಲ್ಲ. ಕೇವಲ ಸಿವಿಲ್ ಸರ್ವಿಸ್ ಅಧಿಕಾರಿಗಳನ್ನೇ ಸಂಸ್ಥಾನದ ದಿವಾನರನ್ನಾಗಿ ನೇಮಿಸಬೇಕಾದ ಹಿಂದಿನ ವಾಡಿಯನ್ನು ತೆಗೆದುಹಾಕಿ, ವಿಶ್ವೇಶ್ವರಯ್ಯನವರ ದಕ್ಷತೆ, ಅಪಾರ ಶ್ರಮ, ಶಕ್ತಿ, ಸಾಮಥ್ರ್ಯಗಳನ್ನು ಕಂಡು ಮಹಾರಾಜರಾದ ನಾಲ್ವಡಿ ಕೃಷ್ಣರಾಜಒಡೆಯರ್ ಅವರೇ ದಿವಾನ್ ಪದವಿಗೆ ನೇಮಿಸಿ, ತಾಯ್ನಾಡಿನ ಸೇವೆಗೆ ತಕ್ಕ ಅವಕಾಶವನ್ನು ಕಲ್ಪಿಸಿಕೊಟ್ಟರು.
