ನೈಋತ್ಯ ರೈಲ್ವೆಯ 2024-25ರ ಆಥಿರ್ಕ ವರ್ಷದ ಅತ್ಯುತ್ತಮ ಸಾಧನೆ

ಹುಬ್ಬಳ್ಳಿ : ನೈಋತ್ಯ ರೈಲ್ವೆ ವಲಯ 2024&-25ರ ಆಥಿರ್ಕ ವರ್ಷದಲ್ಲಿ ಸರಕು ಸಾಗಣೆ, ಆದಾಯ ಉತ್ಪಾದನೆ ಹಾಗೂ ಮೂಲಸೌಕರ್ಯ ಅಭಿವೃದ್ಧಿಯ ದೃಷ್ಟಿಯಲ್ಲಿ ಮಹತ್ವದ ಸಾಧನೆ ಮಾಡಿದೆ.

ನೈಋತ್ಯ ರೈಲ್ವೆ ಈ ಅವಧಿಯಲ್ಲಿ ಪ್ರಯಾಣಿಕರ ಆದಾಯ 3,172.82 ಕೋಟಿ ರೂ.ಗೆ ಹೆಚ್ಚಿಸಿದೆ. ಕಳೆದ ವರ್ಷದಲ್ಲಿ ಈ ಆದಾಯವು 3,090.5 ಕೋಟಿ ರೂ. ಆಗಿತ್ತು. ಪಾರ್ಸೆಲ್​ ಆದಾಯವು ಕಳೆದ ವರ್ಷ 157.77 ಕೋಟಿ ರೂ. ಆಗಿದ್ದರೆ, ಈ ವರ್ಷ 166.6 ಕೋಟಿ ರೂ.ಗೆ ಏರಿಕೆ ಕಂಡಿದೆ. ಒಟ್ಟು ಆದಾಯ 8,340.90 ಕೋಟಿ ರೂ. ತಲುಪಿದೆ.

ವಾಣಿಜ್ಯ ಆದಾಯ 2023-24ರ ಅವಧಿಯ 78.90 ಕೋಟಿ ರೂ.ದಿಂದ ಈ ವರ್ಷ 91.60 ಕೋಟಿ ರೂ. ಗೆ ತಲುಪಿದೆ. ಪ್ರಯಾಣಿಕರ ಸಂಖ್ಯೆಯಲ್ಲಿಯೂ ಏರಿಕೆಯಾಗಿದ್ದು, 165.51 ಮಿಲಿಯನ್​ ಪ್ರಯಾಣಿಕರು ಈ ವರ್ಷ ಪ್ರಯಾಣಿಸಿದ್ದರೆ, ಹಿಂದಿನ ವರ್ಷ ಈ ಸಂಖ್ಯೆ 162.16 ಮಿಲಿಯನ್​ ಆಗಿತ್ತು.

2024-25ನೇ ಹಣಕಾಸು ವರ್ಷದಲ್ಲಿ ನೈಋತ್ಯ ರೈಲ್ವೆ ಒಟ್ಟು 45.66 ಮಿಲಿಯನ್​ ಟನ್​ ಸರಕು ಸಾಗಣೆ ದಾಖಲಿಸಿದೆ . ಇದರಲ್ಲಿ ಹುಬ್ಬಳ್ಳಿ ವಿಭಾಗವು 32.69 ಮಿಲಿಯನ್​ ಟನ್​ ಹಾಗೂ ಮೈಸೂರು ವಿಭಾಗವು 10.89 ಮಿಲಿಯನ್​ ಟನ್​ ಗುರಿ ಮೀರಿಸಿದೆ. ಇನ್ನುಳಿದ ಲೋಡಿಂಗ್​ ಅನ್ನು ಬೆಂಗಳೂರು ವಿಭಾಗ ನಿರ್ವಹಿಸಿದೆ.

ಇದೇ ಮಾರ್ಚ್​ನಲ್ಲಿ ಅತ್ಯಧಿಕ ಮಾಸಿಕ ಸರಕು ಸಾಗಣೆ 5.024 ಮಿಲಿಯನ್​ ಟನ್​ ಅನ್ನು ದಾಖಲಿಸಿದ್ದು , ಇದು ಆಥಿರ್ಕ ವರ್ಷದ ಅತ್ಯುತ್ತಮ ಕಾರ್ಯಕ್ಷಮತೆಯಾಗಿದೆ. ಈ ವರ್ಷ 2.56 ಮಿಲಿಯನ್​ ಟನ್​ ಖನಿಜ ತೈಲವನ್ನು ಲೋಡ್​ ಮಾಡಿದೆ. ಒಂದೇ ದಿನದಲ್ಲಿ 3,870 ಎಂಟು ಚಕ್ರಗಳ ವಾಹನಗಳನ್ನು ಲೋಡ್​ ಮಾಡಿದ್ದು, ಈ ವರ್ಷ ದಾಖಲಾದ ಅತಿ ಹೆಚ್ಚಿನ ಲೋಡ್​ ಆಗಿದೆ.

67.57 ಮಾರ್ಗ ಕಿಲೋಮೀಟರ್​ಗಳ ವಿದ್ಯುದ್ದಿಕರಣವನ್ನು ರ್ಪೂಣಗೊಳಿಸಿದೆ. ಇದರಿಂದ ನೈಋತ್ಯ ರೈಲ್ವೆಯ ವ್ಯಾಪ್ತಿಯ 3,692 ಕಿಮೀ ಪೈಕಿ 3,323 ಕಿಮೀ ವಿದ್ಯುದ್ದಿಕರಣಗೊಂಡಿದೆ. 26.5 ಕಿಮೀ ಹೊಸ ರೈಲು ಮಾರ್ಗಗಳನ್ನು ಯಶಸ್ವಿಯಾಗಿ ನಿರ್ಮಾಣ ಮಾಡಿದ್ದು, 39.1 ಕಿಮೀ ದ್ವಿಪಥ ಮಾರ್ಗವನ್ನೂ ರ್ಪೂಣಗೊಳಿಸಿದೆ .