ಭೋಜೇಗೌಡ ಮೊದಲ ಪ್ರಾಶಸ್ತ್ಯ ಮತದಲ್ಲೇ ಗೆಲುವಿನ ನಗೆ ಬೀರಿದರು. ಭೋಜೇಗೌಡ ಸಮೀಪದ ಪ್ರತಿಸ್ಪರ್ಧಿ ಕಾಂಗ್ರೆಸ್ನ ಡಾ.ಕೆ.ಕೆ.ಮಂಜುನಾಥ್ ಕುಮಾರ್ (ಮಾಸ್ಟ್ರು) ವಿರುದ್ಧ 5,267 ಮತಗಳ ಅಂತರದಿಂದ ಗೆಲುವು ಸಾಧಿಸಿದರು. ಒಟ್ಟು 19,479 ಮತಗಳು ಚಲಾವಣೆಯಾಗಿತ್ತು. ಈ ಪೈಕಿ 821 ಮತಗಳು ಕುಲಗೆಟ್ಟವು. 18,658 ಸಿಂಧುವಾದ ಮತಗಳಿಗೆ 9,330 ಮತಗಳ ಕೋಟಾ ನಿಗದಿ ಮಾಡಲಾಗಿತ್ತು. ಭೋಜೇಗೌಡ 9829 ಮತಗಳನ್ನು ಗಳಿಸಿ ಮೊದಲ ಪ್ರಾಶಸ್ತ್ಯ ಮತದಲ್ಲೇ ಗೆಲುವು ಸಾಧಿಸಿದರು. ಕಾಂಗ್ರೆಸ್ನ ಡಾ.ಕೆ.ಕೆ.ಮಂಜುನಾಥ್ಕುಮಾರ್ 4562 ಮತಗಳನ್ನು ಪಡೆದು ಸೋಲುಂಡರು.
ಕಣದಲ್ಲಿ ಒಟ್ಟು 8 ಅಭ್ಯರ್ಥಿಗಳು ಇದ್ದರು. ಭೋಜೇಗೌಡ ಹಾಗೂ ಡಾ.ಕೆ.ಕೆ. ಮಂಜುನಾಥ್ಕುಮಾರ್ ನಡುವೆ ನೇರ ಹಣಾಹಣಿ ನಡೆಯಿತು. ಉಳಿದ ಪಕ್ಷೇತರ ಅಭ್ಯರ್ಥಿಗಳು ನಿರೀಕ್ಷಿತ ಪ್ರಮಾಣದಲ್ಲಿ ಮತ ಗಳಿಸುವಲ್ಲಿ ವಿಫಲರಾದರು. ಪಕ್ಷೇತರ ಅಭ್ಯರ್ಥಿಗಳಾದ ಡಾ. ಅರುಣ್ ಹೊಸಕೊಪ್ಪ 1185, ಡಾ.ನರೇಶ್ಚಂದ್ರ ಹೆಗ್ಡೆ 184, ನಂಜೇಶ್ ಬೆಣ್ಣೂರು 621, ಟಿ. ಭಾಸ್ಕರಶೆಟ್ಟಿ 73, ಕೆ.ಕೆ. ಮಂಜುನಾಥ್ ಕುಮಾರ್ 103, ಡಾ.ಎಸ್.ಆರ್. ಹರೀಶ್ ಆಚಾರ್ಯ 2,101 ಮತಗಳನ್ನು ಪಡೆದರು.
