ಸಮಾಜ ತಿದ್ದುವ ಶಕ್ತಿ ರಂಗಕಲೆಗಿದೆ

ಕುಕನೂರು: ಪಟ್ಟಣದ ಶ್ರೀ ಗುದ್ನೇಶ್ವರ ಜಾತ್ರಾ ಮಹೋತ್ಸವ ಡಿ.15ರಿಂದ ಆರಂಭಗೊಳ್ಳಲಿದೆ. ಈ ನಿಮಿತ್ತ ಮಕ್ಕಳ ಮಾರಾಟ, ಕಳ್ಳತನ ಹಾಗೂ ಸಮಾಜದಲ್ಲಿನ ದುಷ್ಕೃತ್ಯಗಳ ಜಾಗೃತಿಗಾಗಿ ಅಕ್ಕ ಅಂಗಾರ, ತಂಗಿ ಬಂಗಾರ ನಾಟಕ ಪ್ರದರ್ಶನ ಹಮ್ಮಿಕೊಳ್ಳಲಾಗಿದೆ ಎಂದು ಕರ್ನಾಟಕ ನಾಟಕ ಅಕಾಡೆಮಿ ಸದಸ್ಯ ರಾಜಣ್ಣ ಜೇವರ್ಗಿ ಹೇಳಿದರು.

ಇದನ್ನೂ ಓದಿ: ಗುದ್ನೇಶ್ವರ ಪಂಚಕಳಸ ರಥೋತ್ಸವ ರದ್ದು

ಭಾನುವಾರ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ಮೊಬೈಲ್ ಹಾವಳಿಗೆ ಜನ ಮಾರುಹೋಗಿದ್ದರಿಂದ ನಾಟಕ ಕಣ್ಮರೆಯಾಗುತಿವೆ. ಸಮಾಜ ತಿದ್ದುವ ಶಕ್ತಿ ರಂಗ ಕಲೆಗೆ ಇದ್ದು, ಇದನ್ನು ಉಳಿಸಬೇಕಾಗಿದೆ.

ಈ ನಿಟ್ಟಿನಲ್ಲಿ ರಂಗಭೂಮಿ ಕಲಾವಿದರು ಹಣಕ್ಕೆ ಆಸೆ ಪಡದೆ ಕಲಾ ಸೇವೆ ಮಾಡುತ್ತಾ ಬದುಕುತ್ತಿದ್ದಾರೆ. ಜನಜಾಗೃತಿಗಾಗಿ ಹಮ್ಮಿಕೊಂಡಿರುವ ಮಹಿಳಾ ಪ್ರಧಾನವಾದ ನಾಟಕದಲ್ಲಿ,ಸಮಾಜದ ಸ್ಥೀರತೆ ಕಾಪಾಡುವ ಸಂದೇಶ ಇದೆ ಎಂದರು. ಪ್ರಮುಖರಾದ ವಿನಾಯಕ ಬಿನ್ನಾಳ, ಅಂದಪ್ಪ ಬನ್ನಿಕೊಪ್ಪ, ಕಳಕನಗೌಡ ತೊಂಡಿಹಾಳ, ನಾಗರಾಜ ಗುಗ್ಗಡಿ ಇತರರಿದ್ದರು.