ಅಧ್ಯಕ್ಷರಾಗಿ ಆನಂದ ಶೆಟ್ಟಿ, ಉಪಾಧ್ಯಕ್ಷರಾಗಿ ಎಸ್.ಐ. ಘನಮುಖಿ, ವೀರೇಶ ಚಿನಿವಾಲರ, ಕಾರ್ಯದರ್ಶಿಯಾಗಿ ಮಿನಾಲ ಕಾಲಕುಂದ್ರಿಕರ ಪದಗ್ರಹಣ ಮಾಡಿದರು. ನೂತನ ಪದಾಧಿಕಾರಿಗಳಿಗೆ ಅಲೈನ್ಸ್ ಸಂಸ್ಥಾಪಕ ಜಿಲ್ಲಾ ಗವರ್ನರ್ ದಿನಕರ ಶೆಟ್ಟಿ ಪ್ರಮಾಣ ವಚನ ಬೋಧಿಸಿದರು.
ಕಾರ್ಯಕ್ರಮ ಉದ್ಘಾಟಿಸಿದ ರಾಣಿ ಚನ್ನಮ್ಮ ವಿಶ್ವವಿದ್ಯಾಲಯದ ಕುಲಪತಿ ಪ್ರೊ.ಸಿ.ಎಂ.ತ್ಯಾಗರಾಜ ಮಾತನಾಡಿ, ‘ಮೊಬೈಲ್, ಸಾಮಾಜಿಕ ಜಾಲತಾಣಗಳ ಬಳಕೆ ಹೆಚ್ಚಿರುವ ಇಂದಿನ ದಿನಗಳಲ್ಲಿ ನಗು ಮರೆಯಾಗುತ್ತಿದೆ. ಸ್ನೇಹ, ಬಾಂಧವ್ಯಗಳು ಬದುಕನ್ನು ಬರಡು ಮಾಡುತ್ತಿವೆ. ಒಂದೇ ಮನೆಯಲ್ಲಿದ್ದರೂ ಕುಟುಂಬ ಸದಸ್ಯರ ಮನಸ್ಸುಗಳು ವಿಮುಖವಾಗುತ್ತಿವೆ. ಇಂತಹ ಪರಿಸ್ಥಿತಿ ಬದಲಾಗಬೇಕಿದ್ದರೆ ಜೀವನದಲ್ಲಿ ನಗು ಇರಬೇಕು. ್ರೆಂಡ್ಶಿಪ್, ರಿಲೇಷನ್ಶಿಪ್ಗಳೆನ್ನುವ ‘ಶಿಪ್’ ಗಟ್ಟಿಯಾಗಿ ಮುನ್ನಡೆಯುತ್ತಿದ್ದರೆ ಸಮಾಜ ಸದೃಢವಾಗಿರುತ್ತದೆ. ಸಮಾಜವನ್ನು ಸದೃಢಗೊಳಿಸುವ ಕಾರ್ಯದಲ್ಲಿ ಪತ್ರಕರ್ತರ ಪಾತ್ರವೂ ಹಿರಿದಾಗಿದೆ ಎಂದ ಅವರು, ಸಾಮಾಜಿಕ ಕಾರ್ಯಗಳಿಗೆ ರಾಣಿ ಚನ್ನಮ್ಮ ವಿವಿ ಸದಾ ಬೆಂಬಲವಾಗಿರುತ್ತದೆ’ ಎಂದರು. ಡಾ. ನವಿನಾ ಶೆಟ್ಟಿಗಾರ, ಪ್ರಭಾಕರ ಶೆಟ್ಟಿ, ಡಾ.ಡಿ.ಎಂ.ಬೆನ್ನೂರ, ಪ್ರಸನ್ನಕುಮಾರ ಶೆಟ್ಟಿ, ಮಂದಾಕಿನಿ ಅಪ್ಪುಗೊಳ, ಭಂಟರ್ ಸಂಘದ ಅಧ್ಯಕ್ಷ ವಿಜಯ ಶೆಟ್ಟಿ ಉಪಸ್ಥಿತರಿದ್ದರು. ಜಿ.ಎಸ್.ಸೋನಾರ್ ನಿರೂಪಿಸಿದರು. ಆರ್.ಎನ್. ತೋಟಗೇರ ಸ್ವಾಗತಿಸಿದರು.
