ಕರೊನಾ ಮುಂಜಾಗ್ರತೆಗೆ ರಾಜ್ಯದಲ್ಲಿ ಮದ್ಯ ನಿಷೇಧಿಸಿದ್ದು, ಪ್ರತಿಯೊಬ್ಬರೂ ಸಹಕರಿಸಬೇಕು. ಕೊಟ್ಟೂರಿನಲ್ಲಿ ನಿಯಮ ಮೀರಿ ತೆರೆದಿದ್ದ ಮದ್ಯದಂಗಡಿ ಪರವಾನಗಿ ರದ್ದುಪಡಿಸಲಾಗಿದೆ. ಜಿಲ್ಲಾದ್ಯಂತ 550 ದಾಳಿ ಮಾಡಿದ್ದು, 21 ಪ್ರಕರಣ ದಾಖಲಿಸಲಾಗಿದೆ. ಅಂದಾಜು 37 ಲಕ್ಷ ರೂ. ಮೊತ್ತದ 7715 ಲೀ.ಮದ್ಯ, 2230 ಲೀ. ಬಿಯರ್, 31ಲೀ. ಸೇಂದಿ, 12ಲೀ. ಕಳ್ಳಬಟ್ಟಿ ಸಾರಾಯಿ, 850 ಲೀ. ಬೆಲ್ಲದಕೊಳೆ ವಶಕ್ಕೆ ಪಡೆಯಲಾಗಿದೆ. ಕಂಪ್ಲಿಯ ಶಿಕಾರಿ ಕಾಲನಿ ಸೇರಿ ಜಿಲ್ಲೆಯಲ್ಲಿ ಕಳ್ಳಬಟ್ಟಿ ಸಾರಾಯಿ ತಯಾರಿಸುವ 92 ತಾಂಡಾಗಳನ್ನು ಗುರುತಿಸಿ ನಿಗಾ ವಹಿಸಲಾಗಿದೆ. ಹಕ್ಕಿಪಿಕ್ಕಿ ಸಮುದಾಯ ಜನರು ಕಳ್ಳಬಟ್ಟಿ ಸಾರಾಯಿ ತಯಾರಿಕೆ ಬಿಟ್ಟು ಸಮಾಜದ ಮುಖ್ಯವಾಹಿನಿಗೆ ಬರಬೇಕು. ಕರೊನಾ ಮುಂಜಾಗ್ರತಾ ಕ್ರಮಗಳನ್ನು ಕಡ್ಡಾಯವಾಗಿ ಪಾಲಿಸಬೇಕು ಎಂದು ಹೇಳಿದರು.
