ಉಡುಪಿಯ ಪರ್ಕಳ ರಸ್ತೆಯಲ್ಲಿ ಹರಡಿದೆ ನೋಡಿ ಜೆಲ್ಲಿ...

ಸವಾರರು ವಾಹನ ಓಡಿಸಬೇಕು ಎಲ್ಲಿ?

ನೋಡುವವರು ಯಾರಿಲ್ಲವೇ ಇಲ್ಲಿ?

ವಿಜಯವಾಣಿ ಸುದ್ದಿಜಾಲ ಉಡುಪಿ

ಜೆಲ್ಲಿಕಲ್ಲು ಮಿಶ್ರಣ ಮಾಡಿ ಡಾಂಬರ್​ ರಸ್ತೆ ಮಾಡುವುದು ತಿಳಿದಿದೆ. ಆದರೆ, ಉತ್ತಮವಾದ ಕಾಂಕ್ರೀಟ್​ ರಸ್ತೆಯ ಮೇಲೆ ಜೆಲ್ಲಿಕಲ್ಲು ಬೀಳಿಸಿ, ವಾಹನ ಸವಾರರಿಗೆ ತೊಂದರೆ ಮಾಡುವುದುನ್ನು ಎಲ್ಲಾದರೂ ಕಂಡಿದ್ದೀರಾ?

ಪರ್ಕಳಕ್ಕೆ ಬನ್ನಿ. ಇಲ್ಲಿನ ಕೆನರಾ ಬ್ಯಾಂಕ್​ ಸಮೀಪದ ಕೆಳಪರ್ಕಳದ ತಿರುವಿನ ಕಾಂಕ್ರೀಟ್​ ರಸ್ತೆಯಲ್ಲಿ ರೆಡಿಮಿಕ್ಸ್​ ವಾಹನವು ಯಥೇಚ್ಛವಾಗಿ ಸಿಮೆಂಟ್​ ಮಿಶ್ರಿತ ಜೆಲ್ಲಿಕಲ್ಲನ್ನು ಬೀಳಿಸುತ್ತಿದ್ದು, ವಾಹನ ಸವಾರರು ಪರದಾಡುವಂತಾಗಿದೆ.

ಸವಾರರ ಜೀವಕ್ಕೆ ಅಪಾಯ

ಸ್ಥಳೀಯರಿಂದ ಎಚ್ಚರಿಕೆ

ಈ ಹಿಂದೆಯೂ ಇದೇ ರೀತಿ ರಸ್ತೆಯ ಮೇಲೆ ಜೆಲ್ಲಿಕಲ್ಲು ಬೀಳಿಸುತ್ತ, ವಾಹನ ಸವಾರರಿಗೆ ತೊಂದರೆ ಆಗುತ್ತಿರುವ ಕುರಿತು ರೆಡಿಮಿಕ್ಸ್​ ವಾಹನ ಓಡಿಸುವ ಚಾಲಕರಿಗೆ ಹಾಗೂ ಮಣಿಪಾಲದಲ್ಲಿರುವ ಕಂಪನಿಯ ಮಾಲೀಕರಿಗೆ ತಿಳಿಸಲಾಗಿತ್ತು. ಬಳಿಕ ರಸ್ತೆಯಲ್ಲಿ ಹರಡಿದ್ದ ಸಿಮೆಂಟ್​ ಧೂಳನ್ನು ನೀರು ಹಾಯಿಸಿ ಸ್ವಚ್ಛ ಮಾಡಲಾಗಿತ್ತು. ಮತ್ತೆ ಈ ರೀತಿ ಜೆಲ್ಲಿ ಬೀಳಿಸಿ ವಾಹನ ಸಂಚಾರಕ್ಕೆ ತೊಂದರೆ ಮಾಡದಂತೆ ಸ್ಥಳೀಯರು ಎಚ್ಚರಿಕೆಯನ್ನೂ ನೀಡಿದ್ದರು. ಆದರೆ, ಮತ್ತೆ ಅದೇ ಕಥೆ.

ಜಿಲ್ಲಾಡಳಿತ ಕ್ರಮ ಕೈಗೊಳ್ಳಲಿ

ಇದೇ ಮಾರ್ಗದಲ್ಲಿ ವಿವಿಧ ಸರ್ಕಾರಿ ಇಲಾಖೆಗಳ ಅಧಿಕಾರಿಗಳೂ ಸಂಚರಿಸುತ್ತಾರೆ. ಸಿಮೆಂಟ್​ ಧೂಳಿನಿಂದ ತೊಂದರೆ ಆಗುತ್ತಿದೆ. ಆದರೆ, ಯಾರೊಬ್ಬರೂ ಇಲ್ಲಾಗುತ್ತಿರುವ ಸಮಸ್ಯೆ ನಿವಾರಿಸಲು ಮುಂದಾಗಿಲ್ಲ. ಪೊಲೀಸ್​ ಇಲಾಖೆಯವರು ಮೌನ ವಹಿಸಿದ್ದಾರೆ. ರಸ್ತೆ ಮೇಲೆ ಜೆಲ್ಲಿಕಲ್ಲು ಬೀಳಿಸಿ, ಸವಾರರ ಪ್ರಾಣಕ್ಕೆ ಅಪಾಯ ತರುತ್ತಿರುವವರ ವಿರುದ್ಧ ಕಾನೂನು ಕ್ರಮ ಕೈಗೊಳ್ಳಬೇಕು ಎಂದು ಪರ್ಕಳದ ಮೋಹನದಾಸ್​ ನಾಯಕ್​ ಜಿಲ್ಲಾಡಳಿತಕ್ಕೆ ಒತ್ತಾಯಿಸಿದ್ದಾರೆ.