ಶಿಗ್ಗಾಂವಿ: ಭತ್ತ ಹಾಗೂ ಸೋಯಾಬಿನ್ ಕಟಾವು ಮಾಡಲು ಬಂದವರು ಮಲಗಿದ್ದಾಗ ಅವರ ಜೇಬು ಕತ್ತರಿಸಿ 95 ಸಾವಿರ ರೂ. ಕಳ್ಳತನ ಮಾಡಿಕೊಂಡು ಹೋದ ಘಟನೆ ಪಟ್ಟಣದ ಪೆಟ್ರೋಲ್ ಬಂಕ್ವೊಂದರ ಬಳಿ ಭಾನುವಾರ ರಾತ್ರಿ ಸಂಭವಿಸಿದೆ.
ರಾಣೆಬೆನ್ನೂರ ತಾಲೂಕಿನ ನದಿಹರಳಹಳ್ಳಿಯ ಕಾತಿರ್ಕ ಬಸಪ್ಪ ಮಾಕನೂರ ಹಾಗೂ ಯುವರಾಜ ಮುದಕಪ್ಪನವರ ಎಂಬುವರ ಹಣ ಕಳ್ಳತನ ಮಾಡಿರುವುದು.
ಇವರು ಭತ್ತ ಹಾಗೂ ಸೋಯಾಬಿನ್ ಕಟಾವು ಮಾಡುವ ಮಷಿನ್ ಇಟ್ಟುಕೊಂಡು ಪೆಟ್ರೋಲ್ ಬಂಕ್ ಬಳಿ ಮಲಗಿಕೊಂಡಿದ್ದರು. ಈ ಸಮಯದಲ್ಲಿ ಯಾರೋ ಖದೀಮರು ಇವರ ಜೇಬು ಕಟ್ ಮಾಡಿಕೊಂಡು ಅದರಲ್ಲಿದ್ದ 95 ಸಾವಿರ ರೂ. ನಗದನ್ನು ದೋಚಿದ್ದಾರೆ ಎನ್ನಲಾಗಿದೆ. ಈ ಕುರಿತು ಶಿಗ್ಗಾಂವಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
