ಮುಖ್ಯಮಂತ್ರಿ ಅಧಿಕೃತ ನಿವಾಸ ‘ರೇಸ್ವ್ಯೂ ಕಾಟೇಜ್’ನಲ್ಲಿ ಬೊಮ್ಮಾಯಿ ಅವರೊಂದಿಗೆ ಈ ಯೋಜನೆ ಕುರಿತು ರ್ಚಚಿಸಿ, ತ್ವರಿತ ಅನುಷ್ಠಾನದ ಅಗತ್ಯವನ್ನು ಮನವರಿಕೆ ಮಾಡಿಕೊಟ್ಟರು. ಸಂತೆಶಿವರದಲ್ಲಿ ಅಂತರ್ಜಲ ಬತ್ತುತ್ತಿದ್ದು, ಕುಡಿಯವ ನೀರಿನ ತಾಪತ್ರಯ ಹೆಚ್ಚಿದೆ. ಗ್ರಾಮದಿಂದ ಕೇವಲ 4-5 ಕಿ.ಮೀ. ದೂರದ ಹೇಮಾವತಿ ನದಿ ನೀರು ಪೂರೈಕೆ ಸಾಧ್ಯವಿದೆ ಎಂಬ ಮನವಿ ಮಂಡಿಸಿದರು ಎಂದು ಮೂಲಗಳು ಮಾಹಿತಿ ನೀಡಿವೆ. ಬಿ.ಎಸ್. ಯಡಿಯೂರಪ್ಪ ಅಧಿಕಾರಾವಧಿಯಲ್ಲಿ ಸಂತೆಶಿವರ ಗ್ರಾಮಕ್ಕೆ ಹೇಮಾವತಿ ನದಿಯಿಂದ ಕುಡಿಯುವ ನೀರು ಪೂರೈಕೆ ಯೋಜನೆ ಪ್ರಕಟಿಸಿ, 25 ಕೋಟಿ ರೂ. ಅನುದಾನ ಮಂಜೂರು ಮಾಡಿದ್ದರು. ನಂತರ ಯಾವುದೇ ಪ್ರಗತಿಯಾಗಿಲ್ಲ. ಗ್ರಾಮಸ್ಥರ ಕುಡಿಯುವ ನೀರಿನ ಬವಣೆ ತಪ್ಪಿಲ್ಲ. ಘೋಷಿತ ಯೋಜನೆಗಳು ಸಕಾಲಕ್ಕೆ ಅನುಷ್ಠಾನ ವೆಚ್ಚ ತಗ್ಗಿ, ಜನರ ಸಮಸ್ಯೆ ಬಗೆಹರಿಯಲಿದೆ ಎಂದು ಎಸ್.ಎಲ್.ಭೈರಪ್ಪ ವಿವರಿಸಿದರು.
