ಇದು ಸ್ಕೈವಾಕ್ ಅಲ್ಲ ಸ್ವಾಮಿ… ಕಸದ ತೊಟ್ಟಿ!

ರಾಮ ಕಿಶನ್​ ಕೆ.ವಿ. ಬೆಂಗಳೂರು
ಕೆಟ್ಟು ನಿಂತ ಲಿಫ್ಟ್​ಗಳು... ಏದುಸಿರು ಬಿಡುತ್ತ ಮೆಟ್ಟಿಲು ಹತ್ತುವ ಹಿರಿಯ ನಾಗರಿಕರು... ಅಲ್ಲಲ್ಲಿ ಬಿದ್ದಿರುವ ಕಸ... ಮೂತ್ರದ ವಾಸನೆ... ಇವು ಬೆಂಗಳೂರಿನ ಪಾದಚಾರಿ ಮೇಲ್ಸೇತುವೆಗಳಲ್ಲಿನ ಸಾಮಾನ್ಯ ನೋಟ. ಲಕ್ಕಸಂದ್ರದ ನಿಮಾನ್ಸ್​ ಆಸ್ಪತ್ರೆ ಪಕ್ಕದಲ್ಲಿರುವ ಸ್ಕೈವಾಕ್​, ಕೋರಮಂಗಲ ಕೆಸ್ಟ್​ ಕಾಲೇಜು ಸಮೀಪದ ಸ್ಕೆ$ವಾಕ್​ ಹಾಗೂ ಶಾಂತಿನಗರ ಡಬಲ್​ ರಸ್ತೆಯಲ್ಲಿರುವ ಸ್ಕೈವಾಕ್​​​ಗಳ ಕಥೆಯೂ ಇದಕ್ಕೆ ಹೊರತಲ್ಲ.

ನಿಮಾನ್ಸ್​ ಆಸ್ಪತ್ರೆ ಹತ್ತಿರದಲ್ಲಿರುವ ಪಾದಚಾರಿ ಮೇಲ್ಸೇತುವೆ ಸೂಕ್ತ ನಿರ್ವಹಣೆಯಿಲ್ಲದೆ ತ್ಯಾಜ್ಯದ ಗುಂಡಿಯಂತಾಗಿದೆ. ಅಲ್ಲಿ ಪ್ಲಾಸ್ಟಿಕ್​, ಮದ್ಯಪಾನದ ಪ್ಯಾಕೆಟ್​, ಕಸ ಬಿದ್ದಿರುತ್ತದೆ. ಮೂತ್ರದ ದುರ್ವಾಸನೆ ಪರಿಣಾಮ ಮೂಗು ಮುಚ್ಚಿಕೊಂಡೇ ಓಡಾಡಬೇಕಿದೆ. ಸ್ಕೆ$ವಾಕ್​ನ ಎರಡೂ ಬದಿಯಲ್ಲಿ ಅಳವಡಿಸಲಾಗಿದೆ. ಆದರೆ ಕಳೆದ ಒಂದು ವರ್ಷಕ್ಕೂ ಹೆಚ್ಚು ಕಾಲದಿಂದ ಅದು ಕೆಲಸ ಮಾಡುತ್ತಿಲ್ಲ.

ನಿಮಾನ್ಸ್​ ಆಸ್ಪತ್ರೆ, ಕಾಲೇಜು, ಶಾಲೆ ಎಲ್ಲವೂ ಈ ಸ್ಕೈವಾಕ್​ ಆಸುಪಾಸಿನಲ್ಲೇ ಇರುವುದರಿಂದ ನಿತ್ಯ ಸಾವಿರಾರು ಮಂದಿ ಬಳಸುತ್ತಿದ್ದಾರೆ. ಆರಂಭದಿಂದ ಇಂದಿನವರೆಗೆ ಸ್ಕೆ$ವಾಕ್​ ನಿರ್ವಹಣೆ ಮಾಡಿರುವುದನ್ನು ನಾವ್ಯಾರೂ ಕಂಡಿಲ್ಲ ಎನ್ನುತ್ತಾರೆ ಜನರು. ಸಂಜೆಯಾಗುತ್ತಿದ್ದಂತೆ ಈ ಜಾಗ ನಿರ್ಗತಿಕರ, ಪುಂಡರ ಅಡ್ಡೆಯಾಗುತ್ತಿದೆ. ಕೆಲವರು ರಾತ್ರಿ ಹೊತ್ತು ಇಲ್ಲೇ ಮದ್ಯಪಾನ ಮಾಡಿ, ಪ್ರಜ್ಞಾಹಿನರಾಗಿ ಬಿದ್ದಿರುತ್ತಾರೆ.

ಪರವಾಗಿಲ್ಲ, ಆದ್ರೂ ಸಮಸ್ಯೆ ಇಲ್ಲದಿಲ್ಲ!

ಇದ್ದುದರಲ್ಲಿ ಶಾಂತಿನಗರ ಡಬಲ್​ ರೋಡ್​ ಹಾಗೂ ಕೆಸ್ಟ್​ ಕಾಲೇಜು ಆವರಣದ ಸ್ಕೆ$ವಾಕ್​ಗಳು ಪರವಾಗಿಲ್ಲ. ಆದರೆ ಇಲ್ಲೂ ಸಮಸ್ಯೆಗಳಿಲ್ಲದಿಲ್ಲ. ಶಾಂತಿನಗರ ಡಬಲ್​ ರೋಡ್​ ಸ್ಕೆ$ವಾಕ್​ ಉತ್ತಮ ಸ್ಥಿತಿಯಲ್ಲಿದೆ, ಸದ್ಯ ಪೇಂಟಿಂಗ್​ ಕೆಲಸ ನಡೆಯುತ್ತಿದೆ. ಎರಡು ಲಿಫ್ಟ್​ಗಳಲ್ಲಿ ಒಂದು ಮಾತ್ರ ನಿರ್ವಹಿಸುತ್ತಿದೆ. ಇಲ್ಲಿ ಸಿಸಿ ಕ್ಯಾಮರಾ ಅಳವಡಿಸಲಾಗಿದ್ದು, ಭದ್ರತಾ ಸಿಬ್ಬಂದಿಯನ್ನೂ ನೇಮಿಸಲಾಗಿದೆ. ಶಾಲಾ ವಿದ್ಯಾರ್ಥಿಗಳು ಈ ಹೆಚ್ಚು ಬಳಕೆ ಮಾಡುತ್ತಾರೆ. ಮಕ್ಕಳಿಗೆ ಲಿಫ್ಟ್ ಆಟದ ವಸ್ತುವಿನಂತಾಗಿದೆ. ಬೇಕೆಂದೇ ಲಿಫ್ಟ್​ನ ಸ್ವಿಚ್​ ಒತ್ತುತ್ತಿರುತ್ತಾರೆ ಎಂಬುದು ಸ್ಥಳಿಯರ ದೂರು. ಕಾಲೇಜು ವಿದ್ಯಾರ್ಥಿಗಳು ಹಾಗೂ ಐಟಿ ಉದ್ಯೋಗಿಗಳು ಹೆಚ್ಚು ಬಳಸುವ ಕೆಸ್ಟ್​ ಕಾಲೇಜು ಬಳಿ ಸ್ಕೈವಾಕ್​​ನಲ್ಲಿ ಸಿಸಿ ಕ್ಯಾಮರಾ ಅಳವಡಿಲಿಲ್ಲ, ಭದ್ರತಾ ಸಿಬ್ಬಂದಿಯೂ ಕಾಣಿಸುವುದಿಲ್ಲ. ಎರಡೂ ಲಿಫ್ಟ್ ಕೆಟ್ಟುಹೋಗಿ ತಿಂಗಳುಗಳೇ ಕಳೆದಿವೆ ಎಂದು ಸ್ಥಳಿಯರು ಮಾಹಿತಿ ನೀಡುತ್ತಾರೆ.

ನಿಮ್ಹಾನ್ಸ್​ ಬಳಿಯ ಸ್ಕೆ$ವಾಕ್​ನಲ್ಲಿ ಎರಡು ಮೂರು ತಿಂಗಳಿಂದ ಕಸ ತುಂಬಿದ್ದು, ಸಂಬಂಧಿಸಿದವರು ಸ್ವಚ್ಛತೆ ಮಾಡಿಲ್ಲ. ನಿರ್ವಹಣೆ ಸಮರ್ಪಕವಾಗಿ ನಡೆಯುತ್ತಿಲ್ಲ… ಕೇಳುವವರು ಯಾರೂ ಇಲ್ಲ ಎಂಬಂತಾಗಿದೆ.

• - ಅಬ್ರಹಾಂ, ಹೊಸೂರು

ನಿಮ್ಹಾನ್ಸ್​ ಬಳಿಯ ಸ್ಕೈವಾಕ್​ ಕಸದ ತೊಟ್ಟಿಯಂತಾಗಿದೆ. ಭದ್ರತಾ ಸಿಬ್ಬಂದಿಯೊಬ್ಬರನ್ನು ನೇಮಿಸಿ, ಕಸ ಎಸೆಯುವವರಿಗೆ ದಂಡ ವಿಧಿಸಬೇಕು. ಲ್ಟ್​ಿ ಹಾಳಾಗಿರುವುದರಿಂದ ಮೆಟ್ಟಿಲು ಹತ್ತಿಯೇ ಹೋಗಬೇಕಿದೆ. ಹಿರಿಯ ನಾಗರಿಕರಿಗೆ ಹಾಗೂ ಮಹಿಳೆಯರಿಗೆ ಸಮಸ್ಯೆಯಾಗುತ್ತಿದೆ.

• - ಮಹೇಶ್​, ಸ್ಥಳಿಯ

ಶಾಂತಿನಗರ ಡಬಲ್​ ರೋಡ್​ ಸ್ಕೆ$ವಾಕ್​ ಅನ್ನು ನಿತ್ಯ ಬಳಸುತ್ತಿದ್ದೇನೆ. ಈ ಹಿಂದೆ ಎರಡೂ ಲಿಫ್ಟ್​ ಕೆಟ್ಟು ಹೋಗಿದ್ದವು. ಸದ್ಯ ಒಂದು ರಿಪೇರಿಯಾಗಿದೆ. ಭದ್ರತಾ ಸಿಬ್ಬಂದಿ ತನ್ನ ಕರ್ತವ್ಯ ನಿರ್ವಹಿಸುತ್ತಿದ್ದರೂ, ಸ್ಕೈವಾಕ್​ನ ನಿರ್ವಹಣೆ ಮಾತ್ರ ಸರಿಯಾಗಿ ಆಗುತ್ತಿಲ್ಲ.

• - ಮೋಹನ್​, ಸ್ಥಳಿಯ ನಿವಾಸಿ