ಹಲವು ವರ್ಷಗಳಿಂದ ರೈತರು ಸರ್ಕಾರಿ ಭೂಮಿಯಲ್ಲಿ ಸಾಗುವಳಿ ಮಾಡುತ್ತ ಜೀವನ ನಡೆಸುತ್ತಿದ್ದು, ಹಕ್ಕುಪತ್ರ ನೀಡಬೇಕು. ಫಾರ್ಮ್ ನಂ.53 ಅರ್ಜಿ ಸಲ್ಲಿಸಲು ಕಾಲಾವಕಾಶ ಕೊಡಬೇಕು. ಭೂ ಸುಧಾರಣೆ ತಿದ್ದುಪಡಿ ಕಾಯ್ದೆ ಹಿಂಪಡೆಯಬೇಕೆಕು. ಕಾಳಸಂತೆಯಲ್ಲಿ ರಾಸಾಯನಿಕ ಗೊಬ್ಬರಗಳ ಮಾರಾಟ ತಡೆಯಬೇಕು. ಅತಿವೃಷ್ಟಿ ಪರಿಹಾರ ಘೋಷಿಸಬೇಕು ಎಂದು ಮುಖಂಡರು ಒತ್ತಾಯಿಸಿದರು. ಸಿರಗುಪ್ಪದಲ್ಲಿ ಗ್ರೇಡ್-2 ತಹಸೀಲ್ದಾರ್ ವಿಶ್ವನಾಥಗೆ ಮನವಿ ಸಲ್ಲಿಸಲಾಯಿತು. ಈ ವೇಳೆ ರೈತ ಸಂಘದ ಪ್ರಧಾನ ಕಾರ್ಯದರ್ಶಿ ವಿ.ಮಾರುತಿ, ಪದಾಧಿಕಾರಿಗಳಾದ ಎಲ್.ಹುಸೇನಪ್ಪ, ಎಚ್.ತಿಪ್ಪಯ್ಯ, ವೀರೇಶ, ಹುಲೆಪ್ಪ, ಅಂಬಣ್ಣ, ಮಾರೇಶ, ಯಲ್ಲಪ್ಪ, ಹಂಸಪ್ಪ, ಭೀಮಣ್ಣ, ಈರಮ್ಮ, ಸರ್ದಾರಪ್ಪ ಇದ್ದರು.
