ಎರಡೂ ಗ್ರಾಮಗಳಿಗೆ ಹೊರಗಿನವರು ಊರೊಳಗೆ ಪ್ರವೇಶುವಂತಿಲ್ಲ. ಗ್ರಾಮಸ್ಥರು ಹೊರ ಹೋಗುವಂತಿಲ್ಲ ಎಂದು ನಿರ್ಬಂಧ ಹೇರಿದ್ದರಿಂದ ಭತ್ತ ಬೆಳೆದ ರೈತರು ಕಂಗಾಲಾಗಿದ್ದಾರೆ. ಸಾವಿರಾರು ರೂ. ವೆಚ್ಚ ಮಾಡಿ ಬೆಳೆದಿರುವ ಭತ್ತವನ್ನು ಸಮಯಕ್ಕೆ ಸರಿಯಾಗಿ ಕಟಾವು ಮಾಡಿದರೆ ಉತ್ತಮ ಇಳುವರಿ ಬರುತ್ತದೆ. ಆದರೆ, ನಿರ್ಬಂಧ ಹೇರಿದ್ದರಿಂದ ಭತ್ತ ಕಟಾವು ಮಾಡುವ ಯಂತ್ರ ಮತ್ತು ಒಬ್ಬ ರೈತನಿಗೆ ಮಾತ್ರ ಹೊಲಕ್ಕೆ ತೆರಳಲು ಅವಕಾಶ ನೀಡಲಾಗಿದೆ. ಭತ್ತ ಕಟಾವು ಮಾಡುವ ಯಂತ್ರದ ಮಾಲೀಕರಿಗೆ ಭತ್ತ ಕಟಾವು ಮಾಡಲು ತಾಲೂಕು ಆಡಳಿತದಿಂದ ಪಾಸ್ ವಿತರಣೆ ಮಾಡಲಾಗಿದ್ದು, ಅವರು ಮಾತ್ರ ಗ್ರಾಮಕ್ಕೆ ತೆರಳಬಹುದು. ಪಾಸ್ ಅವಧಿ ಕೇವಲ 12 ಗಂಟೆ ನಿಗದಿಪಡಿಸಿರುವುದು ರೈತರಿಗೆ ನುಂಗಲಾರದ ತುತ್ತಾಗಿದೆ..
