ತುರ್ತು ನಿಗಾ ಘಟಕದಲ್ಲಿ 51 ಜನರಿಗೆ ಚಿಕಿತ್ಸೆ : ತುಮಕೂರು ಜಿಲ್ಲೆಯಲ್ಲಿ ಸೋಮವಾರ 126 ಜನರಿಗೆ ಕರೊನಾ ಸೋಂಕು ದೃಢವಾಗಿದ್ದು ವಿವಿಧ ಆಸ್ಪತ್ರೆಗಳಿಂದ ಗುಣಮುಖರಾದ 99 ಜನರು ಮನೆಗೆ ವಾಪಸಾದರು. ಪ್ರಸ್ತುತ ಜಿಲ್ಲೆಯಲ್ಲಿ ಸಕ್ರಿಯ ಪ್ರಕರಣಗಳ ಸಂಖ್ಯೆ 1330ಕ್ಕಿಳಿದಿದ್ದು ಸೋಂಕು ಗಣನೀಯವಾಗಿ ಕಡಿಮೆಯಾಗುತ್ತಿದೆ. ಎಲ್ಲಾ ತಾಲೂಕಿನಲ್ಲಿ ಪರೀಕ್ಷೆಗಳ ಸಂಖ್ಯೆ ಹೆಚ್ಚಿರುವ ಕಾರಣಕ್ಕೆ ಸೋಂಕು ಪತ್ತೆಯಾಗುತ್ತಿದೆ. ಒಟ್ಟು ಸಾವಿನ ಸಂಖ್ಯೆ 1033ಕ್ಕೇರಿದೆ. ತುರ್ತು ನಿಗಾ ಘಟಕದಲ್ಲಿ 51 ಜನರಿಗೆ ಚಿಕಿತ್ಸೆ ಮುಂದುವರಿದಿದೆ. ಚಿ.ನಾ.ಹಳ್ಳಿ , ಗುಬ್ಬಿ ತಲಾ 10, ಕೊರಟಗೆರೆ 5, ಕುಣಿಗಲ್, ಮಧುಗಿರಿ ತಲಾ 6, ಪಾವಗಡ 2, ಶಿರಾ 6, ತಿಪಟೂರು 16, ತುಮಕೂರು 31 ಹಾಗೂ ತುರುವೇಕೆರೆ ತಾಲೂಕಿನಲ್ಲಿ 5 ಹಾಗೂ ಹೊರ ಜಿಲ್ಲೆಯ 29 ಒಟ್ಟು 126 ಜನರಿಗೆ ಸೋಂಕು ದೃಢವಾಗಿದೆ.
