ತೀಸ್ತಾ ಸೆಟಲ್‌ವಾಡ್ ಬಿಡುಗಡೆ ಮಾಡಿ

ಸಿಂಧನೂರು: ಮಾನವ ಹಕ್ಕುಗಳ ಹೋರಾಟಗಾರ್ತಿ ತೀಸ್ತಾ ಸೆಟಲ್‌ವಾಡ್ ಹಾಗೂ ಮಾಜಿ ಐಪಿಎಸ್ ಅಧಿಕಾರಿ ಶ್ರೀಕುಮಾರ್ ಬಂಧನ ಖಂಡಿಸಿ ನಗರದ ಗಾಂಧಿವೃತ್ತದಲ್ಲಿ ಪ್ರಗತಿಪರ ಸಂಘಟನೆಗಳ ಒಕ್ಕೂಟದಿಂದ ಮಂಗಳವಾರ ಪ್ರತಿಭಟನೆ ನಡೆಸಲಾಯಿತು.

ಮಾನವ ಹಕ್ಕುಗಳ ಹೋರಾಟಗಾರರ ಬಂಧನವು ಸಂವಿಧಾನದ ಮೇಲೆ ದಾಳಿ ಮಾಡಿದಂತಾಗಿದೆ. ಕೇಂದ್ರ ಸರ್ಕಾರ ಕೂಡಲೇ ಬಂಧಿತರನ್ನು ಬಿಡುಗಡೆಗೊಳಿಸಬೇಕು ಎಂದು ಪ್ರತಿಭಟನಾಕಾರರು ಒತ್ತಾಯಿಸಿದರು. ಪ್ರಮುಖರಾದ ಅಬ್ದುಲ್ ಸಮದ್ ಚೌದ್ರಿ, ಎಸ್.ದೇವೇಂದ್ರಗೌಡ, ಡಿ.ಎಚ್.ಕಂಬಳಿ, ಬಸವರಾಜ ಬಾದರ್ಲಿ, ಚಂದ್ರಶೇಖರ ಗೊರೇಬಾಳ, ಇಮ್ತಿಯಾಜ್ ಅಹ್ಮದ್, ಡಾ.ವಸೀಮ್, ದುರುಗೇಶ, ಹಮೀದ್‌ಮುಲ್ಲಾ, ಎಂ.ಗೋಪಾಲಕೃಷ್ಣ, ಚಾಂದ್ ಪಾಷಾ, ಹನುಮೇಶ ಮಡಿವಾಳ, ಶಫೀ ಅಹ್ಮದ್ ಇತರರಿದ್ದರು.